Aýyr atlet Nurmuhambetova London Olımpıadasynyń qola júldesine ıe boldy
ASTANA. QazAqparat - Qazaqstandyq aýyr atlet Anna Nurmuhambetova Londondaǵy 2012 jylǵy Olımpıada oıyndarynyń qola júldegeri atandy, dep habarlady Sports.kz Halyqaralyq olımpıada komıtetiniń saıtyna silteme jasap.
2012 jylǵy Olımpıadada Nurmuhambetova 69 keli salmaq dárejesine deıin óner kórsetip, 5-orynǵa ıe boldy. Búgin HOK 3-shi jáne 4-shi oryn alǵan eki belorýssııalyq shtangashy - Marına Shkermankova men Dına Sazonovets dopıng synamanyń oń nátıjesine baılanysty shettetti. Osylaısha qola medal qazaqstandyq sportshyǵa buıyrdy.
Osyǵan deıin qarsylastarynyń dopıng paıdalanǵany úshin qazaqstandyq jeńil atlet Olga Rypakova 2008 jylǵy Olımpıadanyń qola medaline ıe boldy.
