Aýyr atlet Nadejda Nogaı - jasóspirimder arasyndaǵy álem chempıony
ASTANA. 23 qyrkúıek. QazAqparat - Slovenııanyń Koshıtsa qalasynda ótip jatqan aýyr atletıkadan jasóspirimder arasyndaǵy álem chempıonatynda Qazaqstan quramasy altyn júlde ıelendi.
«Alaman» sport agenttiginiń málimetinshe, +69 kelide jarysqa qatysqan Nadejda Nogaı bıyl ekinshi ret álem chempıony atandy. Ol julqa kóterýde 123 kelini kóterdi. Al ekinshi-úshinshi oryn alǵan Irına Dehna (Ýkraına) men taǵy bir qazaqstandyq Vıktorııa Vagner 100 kelini eńsergen.
Serpe kóterýde Nogaı 145 kelini yrqyna baǵyndyrsa, Vıktorııa Vagner 130 kelini kóterip, kishi kúmiske ıe boldy. Al ýkraınalyq Anastasııa Romanova 121 kelini aldy.
Qorytyndyda qos qazaqstandyq sportshy altyn men kúmisti ózara bólisti. Qola ýkraınalyq Romanovaǵa buıyrdy.
+ 69 kg. 1. Nadejda Nogaı - 268 (123+145). 2. Vıktorııa Vagner (ekeýi de - Qazaqstan) - 230 (100+130). 3. Anastasııa Romanova (Ýkraına) - 216 (95+121).
Nadejda Nogaı byltyr Perý ( 17 jas) men Malaızııada (21 jas) ótken álemdik synda úzdik shyqqan.
94 keli salmaqta qazaqstandyq Maksım Laktıonov kúmis júldege ıe boldy. Bul salmaqta altyndy moldovııalyq Marsel Gýdea ıelendi.
Sonymen, Koşıtsadaǵy álem chempıonatynda Qazaqstan quramasy 1 altyn, 2 kúmis, 2 qola júlde enshiledi.
