Aýyr atlet Karına Quzǵanbaeva Azııa chempıonatynda «kúmis» aldy
TAShKENT. QazAqparat - Qazaqstandyq sportshy aýyr atletıkadan Azııa chempıonatynyń kúmis júldesine ıe boldy, dep habarlaıdy QazAqparat Olympic.kz saıtyna silteme jasap.
Bul kúnderi Tashkentte aýyr atletıkadan Azııa chempıonaty ótip jatyr.
Búgin áıelder arasynda 81 kelige deıingi salmaq dárejesinde úzdikter anyqtaldy.
Qazaqstan quramasynyń múshesi Karına Quzǵanbaeva qossaıys nátıjesi boıynsha 232 (104+128) upaı enshilep, kúmis júldeger atandy. Koreıalyq Henjý Djang 236 (103+133) upaıymen Azııa chempıony atandy. Al 218 (96+122) upaı jınaǵan túrikmenstandyq Aısoltan Toıchıeva «qolany» qanaǵat tutty.
