Aýyr atlet Igor Son Tashkenttegi týrnırde altyn aldy
TAShKENT. QazAqparat – Ózbekstan astanasy Tashkent qalasynda aýyr atletıkadan halyqaralyq yntymaqtasty birinshiligi ótip jatyr. Búgin týrnırdiń alǵashqy jarys kúni aıaqtaldy, dep habarlaıdy QazAqparat Olympic.kz silteme jasap.
Jarysta Qazaqstan atynan synǵa túsken Igor Son altyn júldege ıe boldy. 61 kelide synǵa túsken ol qossaıys qorytyndysy boıynsha 286 kelini baǵyndyrǵan. Son julqa kóterýde 130 kelini, serpe kóterýde 156 kelini eńserdi.
2-orynda Malaızııa sportshysy Muhamad Anzıla Bın Bıdınniń jalpy nátıjesi 283 keli.
3-oryndy Seıitjan Mırzaev (Túrikmenstan) 280 keli nátıjemen ıelendi.
