Aýyr atlet Aısamal Sansyzbaeva álem chempıonatynda qola júldeger atandy
NUR-SULTAN. QazAqparat – Grekııanyń Iraklıon qalasynda aýyr atletıkadan jastar arasyndaǵy álem chempıonaty márege jetti, dep habarlaıdy QazAqparat tilshisi.
Jarystyń sońǵy kúni qazaqstandyq Aısamal Sansyzbaeva 87 keliden astam salmaqta qola júldege qol jetkizdi.
Qazaqstandyq aýyr atlet qossaıys qorytyndysynda 252 kg (serpe kóterýden – 112 kg, julqa kóterýden – 140 kg) nátıje kórsetti.
Bul salmaqta ońtústikkoreıalyq He Chjon Park 281 kg (120+161) kórsetkishpen úzdik shyqty.
Taǵy bir ońtústikkoreıalyq atlet He En Kım qossaıys qorytyndysynda 253 kg (108+145) kóterip, kúmis júldege ıe boldy.
Eske sala keteıik, osy birinshilik barysynda budan buryn Alekseı Chýrkın kúmis júldeger atanǵanyn jazǵan bolatynbyz.
Alekseı 73 kelige deıingi salmaqta 329 (146+183) kelini yrqyna kóndirdi. Barlyq alty múmkindiginiń beseýin sátti oryndady.
Bul salmaqta ındonezııalyq Jýlıansıah Rızhı top jarsa, amerıkalyq Rıan Enrı úshtikti túıindedi.
