Aýyr atlet Arlı Chonteı Azııa chempıonatynda júldeger atandy
NUR-SULTAN. QazAqparat - Qytaıdyń Nınbo qalasynda aýyr atletıkadan Azııa chempıonatynda alǵashqy júlde Qazaqstan quramasy qorjynyna tústi. Aýyr atlet Arlı Chonteı qola júldeger atandy, dep habarlaıdy QazAqparat tilshisi.
Arlı Chonteı 55 keli salmaqta synǵa tústi. Ol serpýde - 113, julqýda - 133 kelini tóbesine kóterdi. Nátıjesinde qossaıystyń qorytyndysynda 246 kelini baǵyndyrdy. Qazaqstandyq aýyr atlet serpýde ekinshi boldy.
Aıta keterligi, Arlı Chonteı Azııa chempıonatynda tuńǵysh ret júldeger qatarynan kórinip otyr. Sondaı-aq, aýyr atlet 2017 jyly jazǵy Ýnıversıada oıyndarynda qola alsa, 2018 jyly álem chempıonatynda kúmis júldeger atandy. 2016 jyly jazǵy Olımpıada oıyndarynda tórtinshi orynǵa turaqtady.
Aıta keterligi, aýyr atletıkadan Azııa chempıonaty 18-28 sáýir aralyǵynda ótedi. Qurlyqtyq doda 2020 jylǵy Tokıo Olımpıadasyna joldama beretin lıtsenzııalyq týrnır sanalady.
Atalmysh jarysta elimizdiń atynan 18 aýyr atletke senim artylǵan. Olardyń qatarynda jigitterde Arlı Chonteıden ózge Farhad Harkı (67 keli), Nurlybek Samenov (81 keli), Denıs Ýlanov (81 keli), Nıjat Rahımov (89 keli), Rústem Sybaı (96 keli), Ilıa Ilın (96 keli), Aleksandr Zaıchıkov (109 keli), Ibragım Bersanov (109 keli), Selımhan Abýbakarov (109 keliden joǵary) bar. Al qyzdarda Zýlfııa Chınshanlo (55 keli), Karına Gorıcheva (64 keli), Ekaterına Stolıarenko (71 keli), Jazıra Japparqul (71 keli), Ekaterına Bykova (76 keli), Raýshan Meshithanova (81 keli), Larısa Kobeleva (81 keli), Aızada Mýptılda (87 keliden joǵary) jarys jolyna shyǵady.
