Aýyr apattan keıin esin jıǵan avstralııalyq jasóspirim qytaısha sóılep ketti
ASTANA. QazAqparat - Avstralııadaǵy Melbýrn qalasynyń 22 jastaǵy turǵyny Ben Makmagon jantúrshigerlik apatqa ushyrap, komaǵa túsedi. Esin jıǵan ol aǵylshynsha birde-bir sózdi esine túsire almady, alaıda ol qytaısha sóılep ketti. Qazir Ben Shanhaıda turady, dep habarlady Mirror.
«Jantúshigerlik apattan keıin kózimdi ashqanda, kereýetimniń janynda azııalyq medbıkeni kórdim. Oǵan qytaısha: «Medbıke, denem qatty aýyryp jatyr» dedim. Basqasha bolý múmkin emes sııaqty sezindim», - dedi Ben Makmagon.
Keıinnen avstralııalyq qytaı tili mektebinde oqyǵanyn moıyndady, alaıda ol dál bulaı jetik bilmegen. Qazir jasóspirim qytaılyqtarǵa óz týǵan qalasy boıynsha ekskýrssııa júrgizip qana qoımaı, azııalyq arnalardyń birinde teleshoý da júrgizedi. Taıaýda Melbýrnnan Shanhaıǵa kóship keldi.
Komaǵa túsken adamdardyń bulaı ózge tilde sóılep ketýi birinshi jaǵdaı emes, 2013 jyly Horvatııadan 13 jasar qyz óz-ózine kelgende, nemis tilinde sóılegen, osy jazda eldiń bir qonaqúıinen es-tússiz kúıde tabylǵan amerıkalyq esin jıǵanda, dárigermen shved tilinde sóılesken.
.
