«Aýylym - altyn tuǵyrym» ádebı-onlaın konkýrsyna ózgertýler engizildi
Jınaqqa «Aýyl» partııasynyń «Aýylym - altyn tuǵyrym» ádebı-onlaın konkýrsyna qatysqan 2013 qalamgerdiń shyǵarmalary «poezııa, proza, drama» janrlary boıynsha engen.
Buǵan deıin 2016 jyly konkýrsqa qabyldanǵan 219 shyǵarma da toptastyrylyp, «Altyn tuǵyr» ataýymen 3 tomdyq jınaq basylyp shyqqan bolatyn.
Resmı jıyndy ashqan «Aýyl» partııasynyń tóraǵasy Álı Bektaev baıqaýǵa qatysýshylardyń, ásirese jas qalamgerlerdiń jyldan jylǵa kóbeıip kele jatqanyn atap ótti jáne bıylǵy konkýrsqa birqatar ózgerister engenin jetkizdi.
«Aýyl - jalpy qazaq balasy úshin qasıetti uǵym. Sondyqtan da, ár oqyrmannyń júregine jylylyq uıalatatyn aýyl taqyryby qazaq ádebıeti úshin ózektiligin joımas ómirsheń taqyryptardyń biri. Bıyl konkýrs aıasyn keńeıtpek oıymyz bar. Qoǵam ókilderiniń, «Aýyl» partııasy fılıaldarynyń ótinishi boıynsha baıqaýǵa tek qazaq tilinde ǵana emes, orys tilinde de shyǵarmalar qabyldaýdy uıǵardyq. ıAǵnı, 2018 jylǵy konkýrsqa orystildi qalamgerler de aýyl taqyrybyndaǵy shyǵarmalarymen qatysyp, baqtaryn synaı alady», - dedi «Aýyl» partııasynyń tóraǵasy Álı Bektaev.
Sonymen qatar, qazylar alqasynyń jumysyn ońtaılandyrý maqsatynda, shyǵarmalardy onlaın túrde baǵalaý múmkindigi usynylyp otyr. Aýyl partııasynyń saıtynda qazylar alqasy ár shyǵarmaǵa pikir jazyp qaldyra alady.
Odan bólek, Ádebıet portalymen áriptestikte «Aýylym - altyn tuǵyrym» jobasy aıasynda 18 jasqa tolmaǵan jas qalamgerler arasynda "Esse jazyp úıreneıik" atty arnaıy júlde jarııalanǵan. Munda «Ádebıet portaly» redaktsııasy oqýshylarmen ádistemelik jumys júrgizip, jyl sońynda jeńimpazdardy anyqtaıdy.
Ádebı jınaqtyń bıylǵy tırajy - 1000 dana. Kitaptar «Aýyl» partııasynyń fılıaldary arqyly elimizdiń túpkir-túpkirindegi kitaphanalarǵa taratylady.
Aıta keteıik, «Aýylym - altyn tuǵyrym» ádebı konkýrsyna qatysýshylardyń shyǵarmalary jyl boıy adebiportal.kz portaly jáne auyl.kz. saıtynda qabyldanady. Konkýrs onlaın bolǵandyqtan, oǵan shet memleketterdegi qandastarymyz jáne shetelde bilim alyp jatqan jas qalamgerler de qatysa alady.
Konkýrsqa qatysý úshin jasy 17-45 jas aralyǵyndaǵy qalamgerler proza, poezııa, dramatýrgııa janrlary boıynsha óz shyǵarmalaryn usyna alady. Úsh janr boıynsha ozyq dep tanylǵan shyǵarmalardyń avtorlary dástúrli «Altyn tuǵyr» syılyǵyn alady. Júlde qory shamamen 5 mln teńgeni quraıdy.
Nomınatsııalar boıynsha tómendegideı júlde qory taǵaıyndalady «Aýyl taqyrybyna arnalǵan úzdik proza» (esse, áńgime, povest); «Aýyl taqyrybyna arnalǵan úzdik poezııa» (óleń, ballada, poema); «Aýyl taqyrybyna arnalǵan úzdik dramatýrgııa» nomınatsııalary boıynsha 1-oryn 500 000 teńge; 2-oryn 300 000 teńge; 3-oryn 200 000 teńge. Qosymsha 10 úzdik qalamgerge 100 myń teńgeden arnaıy júldeler taǵaıyndalady.
Konkýrs qorytyndysy 2018 jyly 1 jeltoqsanda shyǵarylady.
