«Aýylym – altyn tuǵyrym» ádebı konkýrsyna jańa nomınatsııa qosyldy
«Ózderińiz bilesizder, «Aýyl» partııasy tórt jyldan beri «Aýylym – altyn tuǵyrym» ádebı baıqaýyn uıymdastyryp keledi. Ár jyldyń qorytyndysy boıynsha úsh tomdyq jınaq jaryq kóredi. Qazirge deıin 12 tomdyq jınaq basylyp shyqty. Bıylǵy konkýrsqa balalar ádebıetin qoldaý maqsatynda «Balalarǵa arnalǵan eń úzdik ádebı shyǵarma» arnaıy nomınatsııasy qosylyp otyr. «Aýylym – altyn tuǵyrym» ádebı konkýrsyna shyǵarmalardy qabyldaý 1 naýryzdan bastalady. Barlyq aqyn-jazýshylardy osy konkýrsqa qatysýǵa shaqyramyz», - dedi partııa tóraǵasy QR Ulttyq kitaphanasynda
Aıta keteıik, «Aýyl» partııasy «Mádenıet portalymen» birigip, dástúrli «Aýylym – altyn tuǵyrym» atty aýyl taqyrybyna arnalǵan shyǵarmalar baıqaýyn jarııalady. Bıylǵy konkýrs mereıli mereke Táýelsizdiktiń 30 jyldyǵyna arnalady.
Úmitkerler konkýrsqa usynatyn shyǵarmalaryn auyl.kz saıtyndaǵy «Aýylym – altyn tuǵyrym» siltemesi arqyly nemese tikeleı madeniportal.kz portalynda onlaın jarııalaı alady.
Konkýrsqa shyǵarmalardy qabyldaý 1 naýryzda bastalyp, 2021 jyldyń 1 qarashasyna deıin júrgiziledi. Jeńimpazdardy marapattaý 2021 jyly jeltoqsan aıynda Táýelsizdik kúni qarsańynda ótedi.
Eske sala ketsek, QR Ulttyq Akademııalyq kitaphanasynda jazýshy, QR eńbek sińirgen qaıratkeri Sáýle Dosjannyń jasóspirimderge arnalǵan «Aýyldan shyqqan mıllıoner» kitaby tanystyryldy. Kitap «Aýyl» Halyqtyq-demokratııalyq patrıottyq partııasynyń qoldaýymen jaryq kórgen.
