Aýylsharýashylyq jerlerin qoldaný boıynsha baqylaý kúsheıedi

Komıssııa Memleket basshysynyń tapsyrmasy boıynsha QR Jer kodeksiniń normalaryn túsindirý jáne talqylaý, sondaı-aq usynystar ázirleý úshin quryldy. Qujatta jalpy ereje, mindet, komıssııa jumysyn uıymdastyrý jáne onyń tártibi sondaı-aq, quramy bekitilgen.

Sol jyldyń tamyz aıynda komıssııa otyrysynyń kún tártibindegi másele daýysqa salynǵan edi. Sonyń nátıjesinde komıssııa usynysy Elbasyǵa joldandy.

Jer reformasy boıynsha Komıssııanyń jer zańnamasyn jetildirý jónindegi daıyndalǵan usynystaryna sáıkes, Jer kodeksine kelesi ózgerister men tolyqtyrýlar engizý qarastyrylady:

1. Qazaqstandyqtarǵa aýyl sharýashylyǵy jerlerin jalǵa berý ınstıtýtyn saqtaý jáne jetildirý;

2.  Qazaqstandyqtarǵa jalǵa beriletin aýyl sharýashylyǵy jerleriniń shekteý (eń joǵary) mólsherin belgileý;

3. Shekara mańyndaǵy aımaqtarda aýyl sharýashylyǵy jerlerin berýdiń talaptaryn qatańdatý;

4. Halyqtyń qajettilikterin qanaǵattandyrý úshin, eldi mekender mańyndaǵy jaıylymdardyń alańdaryn anyqtaý.

Qazaqstandyqtarǵa aýyl sharýashylyǵy jerlerin jalǵa berý ınstıtýty saqtalady. Oǵan qosa, aýyl sharýashylyǵy jerlerin konkýrstyq negizde jalǵa berýdiń jańa tártibi engiziledi.

Jarııalylyq pen barlyq potentsıaldy qatysýshylarǵa birdeı aqrparat berý maqsatynda konkýrs týraly aqparat BAQ-da,  ákimdikterdiń jáne Aýyl sharýashylyǵy mınıstrliginiń resmı ınternet-resýrsterinde jarııalaý qarastyrylady.

Konkýrstyń jeńimpazyn anyqtaıtyn konkýrstyq komıssııanyń quramyna qoǵamdyq keńester men uıymdardyń ókilderi qatysady. Olar komıssııa músheleriniń jalpy sanynyń  50 % astamyn quraıdy.

Konkýrsqa qatysýdyń mindetti shartynyń biri - retinde konkýrstyq usynymdy berý. Atap aıtqanda:

-  aýyl sharýashylyǵy óndirisin júrgizýdiń bıznes-jospary;

- sharýashylyqishilik jerge ornalastyrý jobasyn jasaý jáne ıgerý boıynsha mindettemeler;

- jergilikti turǵyndarǵa jumys oryndaryn qurý boıynsha mindettemeler;

- óńirdiń mamandanýyna sáıkes aýyl sharýashylyǵy daqyldarynyń egý alańdarynyń qurylymyn ártaraptandyrý boıynsha ındıkatıvtik kórsetkishterdi oryndaý boıynsha mindettemeler;

Bul talaptar jalǵa alynatyn jerdi utymdy jáne tıimdi paıdalaný maqsatynda belgilenip otyr.

Beriletin jerlerdiń utymdy paıdalanylýyn tekserý maqsatynda, zań jobasymen turaqty monıtorıng júrgiziledi: jalǵa alýdyń alǵashqy 5 jylynda - jyl saıyn, kelesi kezeńderde sýarmaly egistikte árbir 3 jylda, tálimdik jerde - ár 5 jylda monıtorıng júrgizilip otyrady. Osy jerler mamandardyń turaqty baqylaýynda bolady.

Aýyl sharýashylyǵy jerleriniń úlken mólsherin «bir qolǵa» berýge jol bermeý maqsatynda, zań jobasymen qazaqstandyqtarǵa jalǵa beriletin aýyl sharýashylyǵy jerleriniń eń joǵary mólsherin alqaptar boıynsha respýblıka, oblys jáne ákimshilik aýdandar sheginde belgileý qarastyrylady.

Aýyl turǵyndarynyń mal jaıýy úshin jaıylymdyq alqaptardyń jetispeý problemasyn sheshý maqsatynda zań jobasymen eldi-mekender mańynda turǵyndardyń jeke maldaryn ustaý boıynsha muqtajdaryn qanaǵattandyrý úshin qajetti jaıylymdardyń kólemderi anyqtalatyn bolady.

Sonymen qatar, jer komıssısynyń statýsyn anyqtaý, jer ýchaskesiniń bólinýi, eldi-meken jerlerindegi jer ýchaskeleriniń nysanaly maqsatyn aýystyrý sııaqty máselelerdi qamtý maqsatynda Jer kodeksiniń normalaryn jetildirý qarastyrylady.