Aýylsharýashylyq ónimderin óndirý men saqtaýǵa arnalǵan 8,6 mlrd. teńgeniń ınvestıtsııalyq jobalary Pavlodar oblysynda júzege asyrylýda
PAVLODAR. Shildeniń 6-sy. QazAqparat /Vera Lıvıntsova/ - Fermalardaǵy ónimniń shyǵarylýyn arttyrý, aýylsharýashylyq ónimderin óńdeýdi jaqsartý jáne kókónisterdi qysqy ýaqytta saqtaýǵa Pavlodar oblysynda júzege asyrylyp jatqan ınvestıtsııalyq jobalar múmkindik bermek,
dep habarlady aýyl sharýashylyǵy basqarmasynan.
Qarjylyq ınstıtýttar Pavlodar qalasyndaǵy «Jasyl shaǵyn orman» jylyjaıynyń qurylysyn, Pavlodar aýdanyndaǵy «Eldar» fermerlik sharýashylyǵy men «Aqtoǵaı-Agro» JShS-inde kókónis saqtaý oryndarynyń qurylysyna óz kelisimderin berip otyr.
Aımaqtaǵy tórt joba kásiporynnyń jeke qarjysy esebinen júzege asyrylýda. Taratyp aıtar bolsaq, 2011 jylǵa jalpy quny 577 mln. teńgege josparlanyp otyrǵan «Sút» AQ sút óndirýdi jetildirý. Sharbaqty aýdanyndaǵy «Pobeda» JShS-indegi 600 basqa arnalǵan sút-taýarlyq fermany 241 mln. teńgege qaıta jaraqtandyrý da josparda bar.
Bıyl Ertis aýdanyndaǵy shaǵyn sút zaýytynyń 15 mln. teńge qarjyny talap etetin qurylysy aıaqtalmaq, al Lebıaji aýdanyndaǵy «Rassvet» sharýa qojalyǵynda mal soıýǵa arnalǵan alańqaıdyń qurylysy 40 mln. teńge qarjyny talap etpekshi.
Jalpy Pavlodar oblysynda 8,6 mlrd. teńgege 13 joba júzege asyrylyp, 310 jumys orny ashylýda.
