Aýylsharýashylyq maqsattaǵy 3 mln. ga astam alqap paıdalanbaı jatyr - Q. Óskenbaev
ASTANA. 9 sáýir. QazAqparat - Aýylsharýashylyq maqsattaǵy alqaptardy paıdalanbaý faktileri 3 mln. gektardan astam aýmaqta anyqtaldy.
Onyń shamamen 400 myń gektary egistik alqaptaryn quraıdy. Bul týraly búgin selektorlyq tártiptegi Úkimet otyrysynda Óńirlik damý mınıstriniń birinshi orynbasary Qaıyrbek Óskenbaev málim etti.
«Paıdalanbaı jatqan ýchaskelerdiń 50 paıyzdan astamyn, ıaǵnı shamamen 1,5 mln. gektar alańdy sharýa qojalyqty júrgizý úshin berilgen jerler qurady. Onyń ishinde 407,3 myń gektar egistik jerleri, sonyń 200 myń gektary ónimdiligi tómen egister bolyp tabylady», - dedi Q.Óskenbaev.
Onyń aıtýynsha, túgendeý barysynda egis aınalymyn qoldaný máseleleriniń problemalylyǵyn kórsetti.
Aıta keteıik, jalpy respýblıka boıynsha aýylsharýashylyq alqaptarynyń jalpy alańynyń 40 paıyzy nemese 91 mln. gektary aýylsharýashylyq aınalymyna tartylǵan. 2012 jyly aýylsharýashylyq maqsatyndaǵy jerlerdi tıimdi paıdalaný jónindegi Memleket basshysynyń tapsyrmasyna sáıkes 2012-2014 jyldarǵa kózdelgen aınalymǵa engizilgen aýylsharýashylyq alqaptaryn túgendeý bastalǵan bolatyn.
«Tekseriletin ýchaskelerdiń aýqymdy kólemin eskere otyryp, atalǵan túgendeý sharalary 3 jylǵa bólingen bolatyn jáne ótken jyly ol 31 mln. gektardan asa alańda júrgizildi», - dep atap ótti vedomstvo basshysynyń birinshi orynbasary.
