Aýylmen salystyrǵanda qala turǵyndary et pen sútti jıi tutynady
2020 jyly onyń aldyńǵy jylmen salystyrǵanda Qazaqstanda kókónisterden (kartopty qospaǵanda) basqa azyq-túlik ónimderiniń negizgi toptary boıynsha tutyný artqan. Atap aıtqanda, et jáne et ónimderi sııaqty mańyzy bar azyq-túlik ónimderi - 6%, nan jáne jarma ónimderi - 3%, sút jáne sút ónimderi 2,3% kóp tutynylǵan.
2020 jyly elimizdiń 1 turǵyny aıyna paıdalanǵan azyq-túliktiń ortasha kólemi: kartop – 4,2 kg, birinshi sortty bıdaı unynan pisirilgen nan – 2,9 kg, sıyr eti – 1,9 kg, shıki sút - 1,4 l, aıran - 1,3 l, jumyrtqa – 16,6 dana, alma - 1,6 kg, qumsheker - 1,5 kg, kúrish - 1,3 kg, makaron - 1 kg, jańa aýlanǵan nemese salqyndatylǵan balyq - 0,7 kg, qara shaı - 0,1 kg qurady.
Qala jáne aýyl halqyn salystyrǵanda azyq-túlikti tutynýda aıyrmashylyq bar. Atap aıtqanda, qala turǵyndary jumyrtqany, jemisterdi, sút jáne sút ónimderin, et jáne et ónimderin, kartop jáne kókónisterdi kóp paıdalanady. Al aýyl azamattary nan jáne nan ónimderin, qant, bal, shokolad, kondıterlik ónimderdi tutyný boıynsha alda tur.
Sondaı-aq Ulttyq statıstıka bıýrosy qaı óńir qandaı azyq-túlikti kóp jáne az paıdalanatynyn anyqtaǵan:
Budan bólek, halyqtyń eń az qamtamasyz etilgen 10% bóligi halyqtyń eń kóp qamtamasyz etilgen 10% bóligimen salystyrǵanda: balyq jáne teńiz ónimderin 4,5 esege, et jáne et ónimderin, jemisterdi 3,4 esege, sút jáne sút ónimderin – 3,1 esege, jumyrtqany – 3 esege az tutynatyny belgili boldy.
