Aýyldyń dárigerleri men medıtsına salasy oqý oryndarynyń mamandary Densaýlyq saqtaý mınıstrimen teledıdar arqyly tildesti
ASTANA. 8 jeltoqsan. QazAqparat - «Densaýlyq saqtaý mınıstri 2,5 myńnan astam aýyl dárigerleri men medıtsınalyq joǵary oqý oryndarynyń oqytýshylary jáne stýdentterimen «tikeleı rejimde» selektorlyq keńes ótkizdi»,
dep habarlaıdy atalmysh mınıstrliktiń baspasóz qyzmeti.
Jıynda 2011-2015 jyldarǵa arnalǵan «Salamatty Qazaqstan» memlekettik baǵdarlamasyn iske asyrý barysy jáne aldaǵy jylǵa arnalǵan negizgi mindetter talqylandy. Oǵan elimizdiń barlyq óńirinen 2,5 myńnan astam medıtsına qyzmetkerleri, medıtsınalyq joǵary oqý oryndarynyń stýdentteri, professor-oqytýshy quramy qatysty. Mınıstr óz sózinde jalpy densaýlyq saqtaý júıesiniń barlyq baǵyttary jaqsy jetilip kele jatqandyǵyn atap ótti.
Sondaı-aq jıyn barysynda Salaýatty ómir saltyn qalyptastyrý problemalary ulttyq ortalyǵynyń dırektory J.Battaqova, S.Asfendııarov atyndaǵy Qazaq Ulttyq medıtsına ýnıversıtetiniń rektory A.Aqanov, Semeı memlekettik medıtsınalyq ýnıversıtetiniń rektory T.Raqypbekov salaýatty ómir saltyn nasıhattaý jáne densaýlyq saqtaý júıesine mamandar daıyndaý, sondaı-aq 2012 jyly alda turǵan mindetter týraly áńgimeledi.
Telemedıtsınanyń arqasynda aýyldyq medıtsına qyzmetkerlerine tikeleı respýblıkanyń bas dárigeri - Densaýlyq saqtaý mınıstrimen tildesip, ózderin tolǵandyratyn suraqtarǵa jaýap alyp, pikirlerin bildirdi. Táýelsizdik jyldarynda densaýlyq saqtaý salasynda qol jetkizilgen jetistikter jáne bolashaqtaǵy mindetter týraly áńgimelesti.
