Aýyldyq jerlerdiń 90 paıyzy órtten qorǵaný júıesimen qamtamasyz etilmegen
ASTANA. QazAqparat - Eldi mekenderde órt qaýipsizdiginiń qoldanystaǵy júıesi tıisti talaptarǵa sáıkes kelmeıdi. Bul týraly búgin Astanada Zańdylyqty, quqyqtyq tártipti jáne qylmysqa qarsy kúresti qamtamasyz etý jónindegi Úılestirý Keńesiniń otyrysynda QR Bas prokýrory Ashat Daýylbaev málim etti.
«Bul rette, órt qaýipsizdigin qamtamasyz etýdiń qoldanystaǵy júıesi respýblıkamyzdaǵy 6 989 eldi mekenniń 272-sin ǵana qamtyp otyr», - dedi Bas prokýror. Atap aıtqanda, aýyldyq jerlerdiń toqsan paıyzy órtten qorǵaný júıesimen qamtatamasyz etilmegen. Órt depolary ǵımarattarynyń shamamen 65 paıyzynyń paıdalanylyp kele jatqanyna qyryq jyldan asty. Bul ǵımarattardyń keıbiri apatty jaǵdaıda dep tanyldy.
