Aýyldyq jerlerde ólim-jitim kórsetkishteriniń tómendeýi baıqalady - DSM
ASTANA. Qyrkúıektiń 17-si. QazAqparat /Ernur Aqanbaı/ - QR Densaýlyq saqtaý mınıstrliginiń dereginshe, elimizdiń aýyldyq jerlerinde ólim-jitim kórsetkishteriniń tómendeýi baıqalady.
«Aýyldyq jerlerdegi negizgi demografııalyq kórsetkishterdi taldaý barysynda 2010 jyldyń birinshi jarty jyldyǵynda týý kórsetkishteriniń ósýi jáne ólim-jitim kórsetkishteriniń tómendeýi baıqalady. Aýyl halqynyń tabıǵı ósimi kórsetkishi 13,63 paıyzdy quraǵan», delingen Densaýlyq saqtaý mınıstrliginiń búgin Soltústik Qazaqstan oblysy Taıynsha aýdanyna jasaǵan kóshpeli alqa májilisiniń qorytyndysy boıynsha taratylǵan habarlamada. Atalmysh vedomstvonyń dereginshe, aýyl turǵyndarynyń sany ótken jylmen salystyrǵanda aıtarlyqtaı óskeni baıqalady. Ol 2010 jyldyń 1 qańtarynda 7 428,6 myń adamdy quraǵan, onyń respýblıka halqynyń jalpy sanyndaǵy úlesi 46,3 paıyzyn quraıdy. Atalmysh vedomstvonyń málimetinshe, 2009 jyldyń qorytyndylary boıynsha ómirinde alǵash ret tirkelgen aýyl turǵandarynyń syrqattanýshylyq kórsetkishi ótken jylmen salystyrǵanda artty, bul aýyl turǵyndarynyń medıtsınalyq kómekke qol jetimdiliginiń jaqsarǵanymen baılanysty bolyp otyr. Aýyl turǵyndarynyń syrqattanýshylyǵy qurylymynda birinshi orynda tynys alý joldarynyń aýrýlary tirkeledi (100 000 myń halyqqa 19169,9), ekinshi orynda - as qorytý organdarynyń aýrýlary (3728,1), úshinshi orynda - nesep-jynys júıesiniń (3328,4), tórtinshi orynda - qan men qan óndirý organdarynyń aýrýlary (3080,1), besinshi orynda - jaraqattar men ýlaný (2301,7), altynshy orynda - qan aınalymy júıesiniń aýrýlary (2253,4). 2009 jyldyń qorytyndylary boıynsha syrqattanýshylyqty taldaý júrgizý barysynda qan jáne qan óndiretin organdardyń syrqattaný kórsetkishterinen basqa aýyl turǵyndarynyń syrqattanýy qala turǵyndarynan tómen. Osylaısha, aýyl turǵyndarynyń temir tapshylyǵy anemııasymen aýyrý kórsetkishteri qaladaǵylardan joǵary bolýda jáne ótken jylmen salystyrǵanda onyń tómendegeni baıqalady. Sonymen qatar, ótken jylmen salystyrǵanda, qan qysymynyń kóterilýimen jáne júrektiń ıshemııalyq aýrýymen sıpattalatyn syrqattanýshylyqtyń ósýi baıqalady. Aýyl turǵyndarynyń áleýmettik eleýli aýrýlarmen syrqattanýshylyǵyn taldaý barysynda 2009 jyly ótken jylmen salystyrǵanda týberkýlezben, qaterli isiktermen, psıhıkany belsendiretin zattardy qoldaný saldarynan paıda bolatyn psıhıkalyq aýrýlarmen syrqattanýshylyq jáne tártibi buzylýymen syrqattanýshylyqtyń tómendeýi jáne qant dıabetimen syrqattanýdyń ósýi baıqalady.
