Aýyldyq jerdegi 12 aýrýhana kúrdeli jóndeýden ótedi
«Bıyl ulttyq jobanyń sheńberinde 309 medıtsınalyq-sanıtarııalyq alǵashqy kómek obektisin salý kózdelgen. «Altyn saǵat» qaǵıdatyn saqtaı otyryp, ınfarkt, ınsýlt, jaraqat jáne basqa da jaǵdaılar kezinde shuǵyl medıtsınalyq kómek kórsete alatyn, sondaı-aq iri qalalarǵa barmaı-aq telemedıtsına jáne basqa da mamandandyrylǵan joǵary tehnologııalyq medıtsınalyq kómek kórsete alatyn 12 aýdanaralyq ortalyq aýrýhanada kúrdeli jóndeý jáne rekonstrýktsııa jumystary bastalady», - dedi mınıstr.
Sonymen qatar, ulttyq jobada aýdandyq mekemelerdi 575 zamanaýı medıtsınalyq jabdyqpen jabdyqtaý kózdelgen.
«307 medıtsına qyzmetkeri, onyń ishinde 54 jalpy praktıka dárigeri, 253 orta medıtsına qyzmetkeri daıarlanady. Joǵaryda atalǵan is-sharalardy iske asyrý nátıjesinde 2023 jyly mamandandyrylǵan medıtsınalyq kómekpen qosymsha 2,4 mln astam aýyl turǵyny qamtamasyz etiledi», - dedi Ajar Ǵınııat.