Aýyldyq nesıeleý seriktesteri qyzmetkerleriniń biliktiligin arttyrý jobasy júzege asyryla bastady
Joba «Agroónerkásip keshenin nesıeleý seriktestigi Qaýymdastyǵy» men «Agrarly nesıe korporatsııasy» AQ-nyń birlesýimen 10 naýryzdan bastap júzege asyryla bastaıdy.
«Joba aıasynda mynadaı sharalar uıymdastyrylmaq: - eldiń 12 aımaǵynda Nesıeleý seriktesteriniń jetekshileri men bas esepshilerin, nesıe menedjerleri men ákimshilik qyzmetkerlerin, zańgerler men kepildikpen qamtamasyz etý mamandaryn 10 kúndik oqytý kýrstarynan ótkizý; - «Nesıeleý seriktesteriniń jaǵdaıy men damý perspektıvalary» taqyrybynda aımaqtyq konferentsııa ótkizý. Oǵan memlekettik qyzmetkerler men «Qazagro» UBH» AQ ókilderi jáne ózge de enshiles kompanııa mamandary, ekinshi deńgeıli bankter men halyqaralyq qarjy ınstıtýttarynyń ókilderi, osy saladaǵy ǵalymdar qatystyrylady. - Nesıeleý seriktestiginiń damý strategııasyn naqtylaıtyn respýblıkalyq konferentsııa ótkizý. Onda aımaqtarda talqylanǵan atalǵan máselege qatysty usynystar memlekettik organdarǵa tarazylanady. Sonymen qatar, joba aıasynda mamandandyrylǵan arnaıy veb-portaldy iske qosý kózdelgen», delingen habarlamada.
Oqytý kýrsy Almaty qalasynda bastalady.
