Aýyldyq mekteptiń bý qazandyǵy jaryldy - Aqmola oblysy
KÓKShETAÝ. QazAqparat - Aqmola oblysynyń Ereımentaý aýdanynda mekteptiń bý qazandyǵy jaryldy. Bul týraly aımaqtyq TJD-nyń baspasóz qyzmetinen habarlady.
«Keleńsiz jaǵdaı 29 aqpanda tańǵy ýaqyt 07:30 mınýt shamasynda Boztal aýlynda oryn aldy. Saqtandyrǵysh klapanynyń isten shyǵýy saldarynan aýyl mektebin jylýmen qamtamasyz etetin qazandyqtardyń biri jarylǵan. Osynyń nátıjesinde jylý qazandyǵy ǵımaratynyń shatyryna (aýmaǵy 10 sharshy metr) qırady.
Abyroı bolǵanda, apat tańerteń bolǵan, odan eshkim zardap shekken joq. Sondaı-aq, qazandyq mektepten 50 metr qashyqtyqta ornalasqandyqtan oqý protsesine esh kedergi keltirgen joq. Mektepte aýa temperatýrasy qalypty. Qazirgi kezde, tótenshe jaǵdaı aýyzdyqtaldy», dep kórsetilgen habarlamada.
