Aýyldyq mektepter 250 mln teńge bolatyn jabdyqpen qamtylýda
Jýyrda ǵana Soltústik Qazaqstan oblysy Ýálıhanov aýdany Kishkenekól aýylyndaǵy №2 orta mektep-ınternaty men Túrkistan oblysy Sháýildir aýylyndaǵy Ó.Jánibekov atyndaǵy №4 lıtseı-ınternatynda mektepterdiń tanystyrylymy ótkizildi.
Petropavl qalasynan 340 km shalǵaı jatqan Kishkenekól aýylyndaǵy bilim ordasynda 71 muǵalim qazaq, orys tilderinde sabaq beredi. 900 balaǵa shaqtalǵan mektepte búginde 516 oqýshy bilim alyp jatyr. Al Sháýildir aýyly qazir 500-ge jýyq bala oqıdy. Olarǵa 130 muǵalim sabaq beredi.
Bilim berýdi turaqty damytý qory qolǵa alǵan joba bilim berý sapasyn arttyrýǵa, aýyl mektepterine úzdik pedagogıkalyq tájirıbeler men tıimdi ádistemelerdi transfertteýge jáne tirek mektepterdi qajet materıaldyq-tehnıkalyq bazamen qamtamasyz etýge baǵyttalǵan. Osy rette Bilim berýdi turaqty damytý qory men joba seriktesi – «Nazarbaev zııatkerlik mektepteri» mamandary atalǵan mektepterdegi bilim berý sapasy men ortasyna qatysty taldaý júrgizdi. Atalǵan taldaý nátıjesi negizinde bilim ordasyn tirek mektep retinde damytý boıynsha usynystar berilip, sonymen qatar muǵalimderdiń biliktiligin arttyrý úshin qajet kýrstar belgilep, jospar jasady.
Búgingi kúni Kishkenekól mektebindegi 34 oqý kabıneti men qosymsha bilim berý sheberlik synyptary tolyqtaı jabdyqtalady. Sháýildirdegi mektepke jalpy quny 250 mln teńgeni quraıtyn jabdyq ákelingen.
«Bizdiń qor tirek mektepterdi damytýmen aınalysady. Joba qazir Qazaqstannyń 17 oblysyn qamtıdy, onda 13 000-ǵa jýyq bala oqyp, 2 000-ǵa jýyq muǵalim jumys isteıdi», – deıdi Bilim berýdi turaqty damytý qorynyń dırektory Danııar Toqtarbaev. Joba aıasynda ár mektepterdegi oqý kabınetteri, akt, sport zaldary jasaqtalyp, STEM laboratorııa, telestýdııa ashyldy.
Atap ótý kerek, árbir mektep tanystyrylymy «Ashyq esik kúnderi» formatynda ótýde. Oǵan memlekettik organ qyzmetkerleri, belsendi azamattar, buqaralyq aqparat quraldarynyń ókilderi, joba demeýshileri men seriktesteri qatysýda.
