Aýyldyq kvotamen pedagogıkalyq mamandyqtardy támamdaǵan túlekter aýylda úsh jyl jumys isteýi tıis - Bilim jáne ǵylym mınıstrligi
TANA. 16 tamyz. QazAqparat /Rýslan Ǵabbasov/ - Aýyldyq kvotamen pedagogıkalyq mamandyqtardy támamdaǵan túlekter aýylda úsh jyl jumys isteýi tıis.
Bul týraly búgin selektorlyq rejımdegi Úkimet otyrysynda Bilim jáne ǵylym mınıstri Baqytjan Jumaǵulov málim etti.
Mınıstrdiń sózine qaraǵanda, aýyldyq kvotamen pedagogıkalyq jáne dárigerlik mamandyqtarmen joǵary oqý oryndaryn támamdaǵan túlikterdi bıyl birinshi jyly olardy óziniń aýylyna baryp jumys isteýge jaǵdaı jasaýǵa ákimdiktermen tolyq jumys uıymdastyryldy.
«Endi bıyl kvota boıynsha 2 myńnan astam joǵary oqý orynan aıaqtaǵan túlektiń qazirgi kezde 1 myń 707-i óńirlerdegi qajettilik turǵysynda úlestirildi. Jergilikti atqarý organdary 1-myń 40 adamnyń jumysqa ornalasqanyn rastady. Ony jergilikti atqarý organdarymen birlese uıymdastyryp, qyzmetpen qamtamasyz etip jatyrmyz»,-dedi B. Jumaǵulov.
«Eger de oqý orynyn pedagogıkalyq, dárigerlik mamandyqtary boıynsha aýyldyq kvotamen bitiretin bolsa, onda olar mindetti túrde tańdaǵan aýyldyq jerge baryp, úsh jyl jumys isteýi tıis»,-dedi vedomstvo basshysy.
