«Aýyldyq densaýlyq saqtaýdy jańǵyrtý» ulttyq jobasy iske qosylady
«Prezıdent 2023 jyldan bastap aýyl turǵyndarynyń medıtsınalyq kómekke suranysyn qanaǵattandyrýǵa arnalǵan ulttyq jobany iske asyrýdy tapsyrdy. Osy maqsatta biz «Aýyldyq densaýlyq saqtaýdy jańǵyrtý» ulttyq jobasyn iske qosý jáne iske asyrý úshin tıisti eseptemeler júrgizip, qajetti sharalardy aıqyndadyq. Ulttyq jobanyń negizgi maqsaty - barlyq aýyldyq eldi mekenderdi normatıvterge sáıkes alǵashqy medıtsınalyq-sanıtarlyq kómek uıymdarymen qamtamasyz etý esebinen qalalyq jáne aýyldyq densaýlyq saqtaý arasyndaǵy alshaqtyqty qysqartý, sondaı-aq aýyl turǵyndaryna shuǵyl medıtsınalyq kómekti ýaqtyly kórsetýdi arttyrý», - dedi ol.
Mınıstrdiń dereginshe, ulttyq joba aıasynda 655 alǵashqy medıtsınalyq-sanıtarlyq kómek nysany, onyń ishinde jańa 228 nysan jáne qoldanystaǵy medıtsınalyq-sanıtarlyq alǵashqy kómek obektileriniń ornyna 427 nysan salynady. 32 kóp beıindi ortalyq aýdandyq aýrýhanalardy uıymdastyrý, onyń ishinde qoldanystaǵy 12 aýrýhanany jetildirý qamtamasyz etiledi. Sonymen qatar «Altyn saǵat» qaǵıdatyn saqtaı otyryp, ınfarkt, ınsýlt, bosaný, jaraqattar kezinde jáne basqa jaǵdaılarda shuǵyl medıtsınalyq kómek kórsete alatyn, sondaı-aq iri qalalarǵa barmaı-aq, telemedıtsına jáne qashyqtyqtan medıtsınalyq qyzmetter arqyly mamandandyrylǵan jáne joǵary tehnologııalyq medıtsınalyq kómek kórsete alatyn jańa kóp beıindi ortalyq aýdandyq aýrýhanalar ashý qamtamasyz etiledi.
«Ulttyq jobany iske asyrý aýyl turǵyndary arasynda qan aınalymy júıesi aýrýlarynyń ólim-jitimin 23,6 paıyzǵa tómendetýge, 4 mıllıonnan astam aýyl turǵyndaryn sapaly, jedel jáne joǵary tehnologııalyq medıtsınalyq kómekpen qamtamasyz etýge múmkindik beredi», - dedi Ajar Ǵınııat.
