«Aýyldyq densaýlyq saqtaýdy jańǵyrtý» ulttyq jobasy ázirlenip jatyr

NUR-SULTAN. QazAqparat – Prezıdent Joldaýyn iske asyrý aıasynda «Aýyldyq densaýlyq saqtaýdy jańǵyrtý» ulttyq jobasy ázirlenedi, dep habarlaıdy QazAqparat tilshisi.

Úkimet otyrysynda QR Ulttyq ekonomıka mınıstri Álibek Qýantyrov osyndaı málimet berdi.

«Densaýlyq saqtaý salasynda elimizdiń aýyl turǵyndarynyń qajettilikterin qanaǵattandyrý maqsatynda «Aýyldyq densaýlyq saqtaýdy jańǵyrtý» ulttyq jobasy ázirlenip jatyr. Budan basqa, medıtsınalyq ınfraqurylymdy, onyń ishinde memlekettik-jekemenshik áriptestik arqyly keshendi jaqsartý sharalary jasalady «, – dedi mınıstr.

Sondaı-aq, ol densaýlyq saqtaý jáne bilim salalarynda jańa ulttyq jobalar daıyndalyp jatqanyn atap ótti.