«Aýyldyq densaýlyq saqtaý salasyn modernızatsııalaý»: negizgi sharalar belgilendi

ASTANA. QazAqparat – Búgin Prezıdent Qasym-Jomart Toqaevtyń tóraǵalyǵymen ótken Reformalar jónindegi joǵary keńestiń kezekti otyrysynda 2 ulttyq joba qaraldy. Sonyń biri – «Aýyldyq densaýlyq saqtaý salasyn modernızatsııalaý», dep habarlaıdy QazAqparat Aqordaǵa silteme jasap.

«Aýyldyq densaýlyq saqtaý salasyn modernızatsııalaý» ulttyq jobasy aıasynda kelesi normatıvterge ózgerister engizý kózdelip otyr:

- 50 turǵynǵa deıingi aýyldarda medıtsınalyq qyzmetkerdiń bolýy;

- Medıtsınalyq pýnkt – 50-den 500 adamǵa deıin;

- Feldsherlik-akýsherlik pýnkt – 500-den 1500 adamǵa deıin;

- Dárigerlik ambýlatorııa – 1500-den 5 000 adamǵa deıin;

- AMSK ortalyǵy – 5 000-nan 30 000 adamǵa deıin.

Sondaı-aq, ulttyq joba aıasynda iske asatyn negizgi sharalar:

Alǵashqy medıtsınalyq-sanıtarlyq kómek kórsetýdiń (AMSK) 655 nysanynyń qurylysy:

AMSK 228 jańa nysan, onyń ishinde:

- 123 medıtsınalyq pýnkt,

- 77 feldsherlik-akýsherlik pýnkt,

- 28 dárigerlik ambýlatorııa.

Qoldanystaǵy AMSK nysandarynyń ornyna 427 nysan, onyń ishinde:

- 130 medıtsınalyq pýnkt,

- 165 feldsherlik-akýsherlik pýnkt,

- 132 dárigerlik ambýlatorııa.

Joba aıasynda medıtsına kadrlarymen qamtamasyz etý maqsatynda:

- 2022-2024 jyldary – 16 570 meıirger men 17 585 feldsher daıyndyqtan ótedi;

- Medıtsınalyq joǵary oqý oryndarynda jyl saıyn 2 200-den astam jalpy praktıka dárigerleri daıyndyqtan ótedi.