Aýyldyq aımaqtar jyl boıy qyzmet kórsetetin sporttyq nysandarǵa asa zárý - T.Ermegııaev
ASTANA. 12 naýryz. QazAqparat - Elimizdiń aýyldyq aımaqtarynda turǵyndarǵa jyl boıyna qyzmet kórsetetin sporttyq nysandarǵa qajettilik óte joǵary.
Bul týraly búgin elimizdiń «Dene shynyqtyrý jáne sport týraly» zańynyń oryndalý barasyna baılanysty Senat depýtattarymen kezdesken Sport jáne dene shynyqtyrý agenttiginiń tóraǵasy Talǵat Ermegııaev málim etti.
Onyń aıtýynsha, sońǵy jyldary elimizdiń aımaqtarynda sport ınfraqurylymyn damytýǵa qajetti shyǵyndar qysqartyla túsýde. Nátıjesinde respýblıkanyń keıbir aımaqtarynda tóbesi jabylatyn sporttyq nysandardyń qurylysy múldem toqtady.
«Al qazirgi jumys istep turǵan sport ǵımarattary turǵyndardyń qajettilikterin tolyq óteı almaı otyr. Bul, elimizde dene shynyqtyrý jáne sport keshenderin turǵyndardyń suranystaryna saı sapaly, qazirgi zamanǵy qurylǵylarmen jaraqtandyratyn ýaqyt jetti degendi bildiredi. Dene shynyqtyrý jáne sport keshenderi buqaralyq jáne kásibı sporttyń damýyna yqpal etýi tıis. Sonymen qatar bul keshender balalar men jasóspirimderdiń mekteptegi sabaqtardan soń eń kóp jınalatyn ornyna aınalady. Al olardyń daryndylary úshin atalǵan keshender úlken sportqa shyǵar shyńnyń basy bolmaq»,-dedi agenttik tóraǵasy.
