Aýyldy nazardan tys qaldyrýǵa bolmaıdy – Qasym-Jomart Toqaev aýyldaǵy medıtsına jaıly
NUR-SULTAN. QazAqparat - Prezıdent Qasym-Jomart Toqaev qalalardaǵy ahýaldy turaqtandyramyz dep, aýyl turǵyndaryn umytyp ketpeýimiz kerek ekenin atap ótti, dep habarlaıdy QazAqparat tilshisi Aqordaǵa silteme jasap.
Halqymyzdyń jartysyna jýyǵy aýyldyq jerlerde turatyndyǵyn, búginde aýyldaǵy azamattar úshin dıagnostıka jáne emdeý sharalary qol jetimdi emes ekenin aıta kele, Qasym-Jomart Toqaev olarǵa qarapaıym dári-dármektiń jetpeı jatqanyna toqtaldy.
«Aýyl-aımaqtarda medıtsına kadrlarynyń tapshylyǵy jáne qajetti ınfraqurylymnyń joqtyǵy jyǵylǵanǵa judyryq bolyp otyr. Úkimet 2300 ámbebap mobıldi brıgadanyń jasaqtalǵanyn baıandady. Alaıda olar, negizinen qala turǵyndaryna ǵana qyzmet kórsetedi. Aýyldy nazardan tys qaldyrýǵa bolmaıdy! Úkimetke óńirlermen birlesip, barynsha qysqa merzimde aýyldardy dıagnostıka jáne emdeý isimen, sondaı-aq, qajetti dári-dármekpen, medıtsınalyq qurylǵylarmen qamtamasyz etýdi tapsyramyn, – dedi Prezıdent.
