Aýyldasyn aıýandyqpen óltirgen qylmysker Reseıden tabyldy
ASTANA. 5 jeltoqsan. QazAqparat - Reseı Federatsııasynda Almaty oblysynda kisi óltirý qylmysyn jasaǵan kúdikti - Qazaqstan azamaty ustaldy,
dep habarlady búgin QR Іshki ister mınıstrliginde ótken brıfıngte ІІM baspasóz hatshysy Nurdildá Oraz.
Almatylyq polıtseıler Eskeldi aýdany Baqtybaı kentiniń 23 jastaǵy turǵynyna aǵymdaǵy jyldyń qazanynda aýyldasyn óltirgeni úshin izdeý jarııalaǵan edi. Qylmys qarý qoldaný arqyly asa aýyr qastandyqpen jasalyndy, qylmyskerler jábirlenýshiniń denesin BMV avtokóligimen birge órtep jibergen. Qylmysqa qatysýshy eki adam táýlik ishinde qolǵa tústi, al olardyń kóshbasshysy izin sýytqan.
«Ótken aptada izdestirý sharalaryn júrgizý barysynda polıtseıler kúdiktiniń Reseı Federatsııasyndaǵy Qorǵan qalasynda jasyrynyp júrgenin anyqtady. Qazaqstannan jiberilgen baǵdar boıynsha qylmysker ustaldy. Qazirgi ýaqytta ony ekstradıtsııalaý máseleleri sheshilýde», - dep atap ótti N. Oraz.
