Aýyldasyn atyp óltirgen Saryaǵash turǵyny ustaldy
ASTANA. QazAqparat - Ońtústik Qazaqstan oblysynda aýyldasyn atyp óltirgen Saryaǵash qalasynyń turǵyny ustaldy. Bul týraly QR ІІM Memlekettik til jáne aqparat departamentiniń dırektory Almas Sadýbaev málim etti, dep habarlaıdy QazAqparat.
«Ońtústik Qazaqstan oblystyq ІІD krımınaldyq polıtsııa qyzmetkerlerine 9 sáýir kúni Saryaǵash qalasynda kisi óltirgen kúdiktini ustaýǵa bir táýlik qana ýaqyt jetkilikti boldy. Qazirgi ýaqytta kúdikti kinásin moıyndap, jaýap berdi», - dedi departament basshysy.
Aıta keteıik, keshe Ońtústik Qazaqstan oblysynda kórshi aýyldyń azamatyn atyp tastaǵan Saryaǵash qalasynyń turǵynyna izdeý jarııalanǵanyn habarlaǵan bolatynbyz.
