Aýyldasyn ańshy myltyǵymen atyp óltirgen adam ustaldy
ASTANA. 28 naýryz. QazAqparat - Pavlodarlyq polıtseıler 42 jastaǵy jergilikti turǵyndy óltirý qylmysyn «izin sýytpaı» ashty.
Bul týraly búgin QR ІІM Til saıasaty jáne aqparat departamentiniń bastyǵy Nurdildá Oraz málim etti.
Onyń aıtýynsha, ústimizdegi jyldyń naýryz aıynyń ortasynda Baıanaýyl aýdany Jańatilek aýylyndaǵy jeke sharýashylyqtyń biriniń aýmaǵynda qandy oqıǵa oryn aldy. Birlesip ishimdik ishý saldarynan shyqqan janjal kezinde 28 jastaǵy jigit ańshylyq qarýdan bir jumysshyny atyp óltirip, ekinshisine jaraqat keltirgen. Al ózi atqa minip, oqıǵa ornynan boı tasalaǵan.
«Aýyldastarynyń sharýashylyqta atys bolyp jatqany týraly habarlamasyn alǵannan keıin uıymdastyrylǵan jedel izdestirý sharalary kezinde qashyp bara jatqan kúdikti ustalyp, ýaqytsha oqshaýlaý abaqtasyna qamaldy. Aıǵaq zat - qylmys jasalǵan sýyq qarý tárkilendi», - dedi N.Oraz.
