Aýyldastary «Altyn dombyraly» aqynǵa at mingizdi
ASTANA. QazAqparat - «Aıtystyń aqtuıǵyny, eki márte «Altyn dombyranyń» ıegeri Muhtar Nııazovqa aýyldastary at mingizip, shapan japty, dep habarlaıdy QazAqparat tilshisi.
Ol ózi týǵan Syr óńiriniń jeti aýdanyn aralap, jankúıerlerimen júzdesti. Bul týraly «Syr dıdary» gazetiniń bas redaktory Sáken Aldashbaı óziniń áleýmettik jeli paraqshasynda bylaı dep jazdy.
«Aqyn jerlesterimen kezdesý saparyn ózi týǵan Jalaǵash aýdany, Aqaryq aýylynan bastady. Saltanatty túrde kútip alǵan týǵan aýyly aqyndy sahna tórine shyǵaryp, laıyqty qurmet kórsetti. Sharany júrgizgen ustazy Mamyr Baıdáýletov qasıet qonǵan Aqaryq aýylynyń tarıhy men Muhtardaı altyn ul shyqqan áýlet jaıynda keńinen áńgime órbitti. Sharaǵa oblystyq jastar ortalyǵynan, aýdan basshylyǵynan ókilder arnaıy qatysyp, aq lebizderin bildirse, aǵasy ári ustazy, jýranlıst, belgili aqyn Dúısenbek Aıashuly keshegi bala Muhtardy sýretteı syr shertti. Sonymen qatar ári aqyn, ári jyrshy Marat Súgirbaı jyrdan ónerin ortaǵa salyp, aýyldyń ájeler ansambli ásem ánnen shashý shashty. Shara sońynda aýyl turǵyndary aýyldyń, aýdannyń ǵana emes Syr óńiriniń, jalpy qazaqqa ortaq azamat uldaryna aqboz at mingizip, shyǵaryp saldy», - dep jazady.
Endi aqyn búginnen bastap Aral, Qazaly, Qarmaqshy, Jalaǵash, Syrdarııa, Shıeli aýdandaryn aralap, jurtpen júzdespek eken.
