Aýyldarǵa arnalǵan jyljymaly 100 medıtsınalyq pýnkt satyp alyndy

NUR-SULTAN. QazAqparat – Aýyldy eldi mekenderdi medıtsınalyq qyzmetpen qamtamasyz etý úshin jyljymaly 100 medıtsınalyq pýnkt satyp alyndy. Bul týraly Densaýlyq saqtaý mınıstri Alekseı Tsoı Úkimet otyrysynda aıtty, dep habarlaıdy QazAqparat tilshisi.

«11 aımaqtaǵy aýdandar úshin otandyq óndiristen shyqqan qosymsha 51 birdeı rentgen apparaty satylyp alynady. Jedel járdem qyzmetin 1 667 sanıtarııalyq avtokólikpen qamtamasyz etý kózdelgen. Aýyldy eldi mekenderdi medıtsınalyq qyzmetpen qamtamasyz etý úshin jyljymaly 100 medıtsınalyq pýnkt satyp alyndy. Olardyń bári de osy jyldyń qazan aıynyń ortasyna deıin jetkiziledi», - dedi Alekseı Tsoı.

Eske sala ketsek buǵan deıin Alekseı Tsoı Densaýlyq saqtaý mınıstri Alekseı Tsoı elde koronavırýs ınfektsııasynyń taralýyna jol bermeý úshin Úkimetke birqatar shara qabyldaýdy usynǵan bolatyn.