Aýyldardyń erteńi jastardy da alańdatady
ASTANA. 7 kyrkúıek. QazAqparat - L.N. Gýmılev atyndaǵy Eýrazııa ulttyq ýnıversıtetinde QR Memlekettik rámizderiniń 20 jyldyǵyna arnalǵan is-sharalar aıasynda QR Aýyl sharýashylyǵy mınıstrligi «Qazaqstannyń aýyl jastary odaǵy» qoǵamdyq birlestigimen «Aýyldy damytýdaǵy jastardyń róli» taqyrybynda dóńgelek ústel ótkizdi,
dep habarlaıdy QR aýyl sharýashylyǵy mınıstrliginiń baspasóz qyzmeti.
Jıynda onyń moderatory retinde QR Aýyl sharýashylyǵy vıtse-mınıstri M.E. Tolybaev sóz sóıledi. Dóńgelek ústel jumysyna QR-nyń Parlamenti Májilisiniń depýtattary, memlekettik organdar, kásipkerlik, úkimettik emes jastar uıymdarynyń ókilderi qatysty. Sharanyń maqsaty - agroónerkásip kesheniniń jas mamandaryn jumysqa ornalastyrýda jastar uıymdarynyń rólin arttyrý jáne respýblıkadaǵy aýyldardy abattandyrý jaıyna qoǵam nazaryn aýdarý. Bas qosýda aýyl sharýashylyǵyn odan ári damytýǵa baılanysty ózge de keleli máseleler talqyǵa salyndy.
