Aýyldardy sýmen qamtýǵa ne kedergi: Evnıev sebepterin atady
«Aýyl sharýashylyǵy mınıstrligi Óńirlerdi damytýdyń 2020 jylǵa deıingi baǵdarlamasy sheńberinde toptyq sý qubyrlaryn salý jáne qaıta jańartý jumysyna qatysady. 2011-2017 jyldary toptyq sý qubyrlaryn salýǵa jáne qaıta jańartýǵa 70 mlrd teńge kóleminde qarajat bólingen. Osynyń nátıjesinde 44 nysan paıdalanýǵa engizildi. Halyq sany 693,6 myń 240 aýyldyq eldi mekende sýmen jabdyqtaý jaqsartyldy», - deıdi ol búgingi Úkimet otyrysynda.
Arman Evnıevtiń aıtýynsha, toptyq sý qubyrlary boıynsha 15 jobany iske asyrýǵa 15 mlrd teńge bólingen. Onyń ishinde 8 joba aıaqtalýǵa jaqyn. Nátıjesinde halyq sany 148 myń adam turatyn 40 aýyldy eldi mekende (BQO, SQO, Aqtóbe, Qaraǵandy jáne Qyzylorda oblystarynda) jáne 3 qalada (Jezqazǵan, Sátbaev, Qarajal) sýmen jabdyqtaý jaqsartylmaq.
«Baǵdarlamany iske asyrý boıynsha atqarylyp jatqan jumystarǵa qaramastan, maqsatty kórsetkishterge jetýdiń tejeýshi faktorlary bar. Onyń biri eldi mekenderdi sýmen jabdyqtaý salasyndaǵy fýnktsııalardyń bytyrańqylyǵy bolyp tabylady. Mysaly toptyq sý qubyry salynǵan kezde aýylishilik jeliler daıyn bolmaı jatady. ıAǵnı sol bólimderdiń biri toqtap qalǵanda, halyq qurylys aıaqtalǵannan keıin birden aýyz sýǵa qol jetkize almaıdy. Atalǵan faktiler Pavlodar oblysynda (Belovod, Maı) jáne SQO-da (Sokolov, 2-kezek) kezdesti», - deıdi ol.
Osyǵan baılanysty eldimekenderdi sýmen jabdyqtaý máselelerin sheshý úshin AShM-ge basqa múddeli memlekettik organdarmen birlese otyryp, aýyldardy sýmen jabdyqtaý boıynsha fýnktsııalardy biryńǵaı ýákiletti organǵa berý máselesin pysyqtaý tapsyrylǵan.
«Búgingi kúni atalǵan máseleler jergilikti atqarýshy organdar men Investıtsııalar jáne damý mınıstrligimen birlesip pysyqtalyp jatyr. Qorytyndysynda barlyq múddeli memlekettik organdardyń, oblys ákimdikterimen birlesip júrgizgen jumystardyń arqasynda alǵa qoıylǵan mindetterdi tıisti deńgeıde jáne belgilengen merzimde iske asyrý múmkin dep sanaımyn», - dedi Arman Evnıev.