Aýyldardaǵy dáriger tapshylyǵyn sheshýge bolady – Alekseı Tsoı

NUR-SULTAN. QazAqparat – Áleýmettik qoldaýdy durys uıymdastyrǵan jaǵdaıda aýyldardaǵy dáriger tapshylyǵyn sheshýge bolady. Bul týraly Úkimet otyrysynda QR Densaýlyq saqtaý mınıstri Alekseı Tsoı aıtty, dep habarlaıdy QazAqparat tilshisi.

«Densaýlyq saqtaý salasynyń kadrlyq áleýetin damytý úshin dárigerlerdiń jalaqysyn, mamandardyń biliktiligin arttyrý jumystary jalǵasady. Bıyl 11 myńnan astam mamandy, onyń ishinde 35-in shet elde oqytý josparlanǵan», - dedi ol.

Mınıstrdiń aıtýynsha, bıyl elimizdiń medıtsınalyq joǵary oqý orgyndaryn 5 myńnan astam túlek bitirip shyǵady. Olardyń shamamen 3 myńy alǵashqy medıtsınalyq-sanıtarlyq kómek uıymdaryna jumysqa jiberiledi.

«Bul rette alǵashqy medıtsınalyq-sanıtarlyq kómek dárigerleriniń tapshylyǵy 2 540, onyń ishinde aýyldyq jerlerde 848 mamandy quraıdy. Áleýmettik qoldaýdy durys uıymdastyrǵan jaǵdaıda kadrlardy jergilik jerlerge bekitip, kadr tapshylyǵy máselesin sheshýge bolady», - dedi Alekseı Tsoı.