Aýyldarda ınvestıtsııalyq jobalardy iske asyrý aıasynda qarjylandyrylatyn daqyldar tizbesi keńeıtildi
ASTANA. Sáýirdiń 28-i. QazAqparat -«QazAgroQarjy» aktsıonerlik qoǵamy tamshylatyp sýarý tehnologııasyn engizý baǵytynda aýyldarda ınvestıtsııalyq jobalardy iske asyrý sheńberinde qarjylandyrylatyn daqyldar tizbesin keńeıtti. Bul jerde soıa, raps, maqta, qant qyzylshasy jáne taǵy da sol sııaqty ósimdikter, ıaǵnı tehnıkalyq jáne maı sanatyna jatatyn daqyldar óndirý jaıynda bolyp otyr.
Aıta ketý kerek, «QazAgroQarjy» 2009 jyldan bastap respýblıkanyń agroónerkásiptik kesheninde perspektıvalyq baǵyttaǵy alty jobany qarjylandyrýda, olar: zamanaýı taýarly sút fermalaryn, qus fabrıkalaryn, jylyjaı sharýashylyqtaryn, kókónis qoımalaryn qurý jáne damytý, sonymen qatar aýyl sharýashylyǵy tehnıkalaryn qurastyrý óndirisin uıymdastyrý jobalary. Olardyń qatarynda taǵy da bir mańyzdy baǵyttardyń biri - tamshylatyp sýarý tehnologııasyn engizý máselesi.
Daqyldar tizbesin ulǵaıtý týraly sheshim tehnıkalyq jáne maı daqyldaryn ósiretin sharýashylyqtardyń ótinishteri boıynsha júrgizilgen zertteýlerdiń nátıjesi boıynsha «QazAgro» Ulttyq basqarýshy holdıng» AQ Dırektorlar keńesimen qabyldandy.
