Aýyldarda densaýlyq saqtaý nysandaryn tsıfrlandyrý jumystary nemquraıly júrgizilip jatyr
«Alǵashqy medıtsınalyq-sanıtarlyq kómekti tsıfrlandyrý protsesin tolyqqandy iske qosý úshin densaýlyq saqtaý uıymdaryn ІT-ınfraqurylymmen qamtamasyz etý qajet. 2018 jyldyń qorytyndysynda Qazaqstan boıynshadensaýlyq saqtaý uıymdarymen kompıýterlik tehnıkamen jabdyqtaý 95,1 paıyzdy qurady. Qalalar men aýdan ortalyqtaryndaǵy uıymdar ınternet jelisimen jáne medıtsınalyq aqparattyq júıemen 100 paıyz qamtamasyz etildi», - dedi L.Aqtaeva.
Degenmen, onyń dereginshe, óńirlerdiń basym bóliginde aýdan ortalyǵynan tómen deńgeıdegi eldi mekenderdiń densaýlyq saqtaý uıymdar ınternetke tolyq qol jetkize almaı otyr. Máselen, Qaraǵandy oblysynda densaýlyq saqtaý uıymdarynyń ınternetpen qamtamasyz etilýi 32, Soltústik Qazaqstan oblysy 33, Túrkistan oblysy 35, Shyǵys Qazaqstan oblysy 35 paıyzdy ǵana quraıdy.
«Densaýlyq saqtaý uıymdarynyń 99 paıyzynda medıtsınalyq qujattardyń qaǵazsyz aınalymy engizilgen. 2 mıllıonnan astam adam patsıentterge arnalǵan mobıldi qosymshany paıdalanady. Tsıfrlandyrýdyń nátıjesinde emhanalarǵa kelýshiler sany 2 esege, al jandy kezek 60 paıyzǵa azaıdy. Ókinishke oraı kóptegen óńirlerde aýyldyq densaýlyq saqtaý nysandaryn tsıfrlandyrý jumystary jetkiliksiz, nemquraıly túrde júrgizilip jatyr. ıAǵnı, ınternetpen qamtý tómen», - dedi vıtse-mınıstr.