Aýyldarda bala týý deńgeıi qalamen salystyrǵanda joǵary - mınıstr

ASTANA. QazAqparat - Byltyr aýyldarda bala týý deńgeıi qalaǵa qaraǵanda joǵary boldy. Bul týraly Parlament Májilisinde QR Densaýlyq saqtaý mınıstri Ajar Ǵınııat aıtty, dep habarlaıdy QazAqparat tilshisi.

«2021 jyly aýyldarda bala týý deńgeıi qalaǵa qaraǵanda joǵary boldy. Bıyldyń 7 aıdaǵy qortyndysy boıynsha respýblıkalyq kórsetkishten 5 paıyzǵa joǵary», - dedi A. Ǵınııat aýyldaǵy densaýlyq saqtaý máselesin talqalýǵa arnalǵan Úkimet saǵatynda.

Onyń aıtýynsha, byltyrmen salystyrǵanda jalpy ólim kórsetkishiniń 14 paıyzǵa tómendeýi baıqalyp otyr.

«Bıylǵy 6 aıdyń qorytyndysy boıynsha aýyldaǵy ana ólimi qalaǵa qaraǵanda 2 ese tómen. Osy jyly náreste ólimi byltyrǵy sáıkes kezeńimen salystyrǵanda aýyldarda 30,6 paıyzǵa ulǵaıǵany baıqaldy. Bul rette, aýylda bala ólimi qalamen salystyrǵanda 38,7 paıyzǵa tómen. Náreste ólimi áıelderdiń densaýlyǵyna tikeleı baılanysty», - dedi mınıstri.

Budan buryn habarlanǵandaı, vedomstvo basshysy aýyldaǵylar qala turǵyndaryna qaraǵanda uzaǵyraq ómir súretinin aıtty. https://kaz.inform.kz/news/auyldagylar-kala-turgyndaryna-karaganda-uzagyrak-omir-suredi_a3988576