Aýyldarda 315 jańa mektep salynady
«Bilim berýdiń sapasyn jáne qol jetimdiligin arttyrý aıasynda aýyldyq jerlerde 5 myń mektepti jańǵyrtý jáne 315 jańa mektep salý josparlanýda. Barlyq aýyl mektepteri bilikti pedagogtarmen qamtylatyn bolady. 3 jastan 6 jasqa deıingi balalar 100 paıyz mektepke deıingi tárbıemen jáne oqytýmen qamtylady», - dedi Áset Erǵalıev.
Onyń atap ótýinshe, aýyldarda sportpen aınalysý jáne shyǵarmashylyq úıirmelerin damytý úshin jaǵdaı jasaý maqsatynda 1 719 sport jáne 748 mádenıet nysany salynyp, jańǵyrtylady. Densaýlyq saqtaý salasynda 1 095 nysan salý jáne jańǵyrtý aýyldyq jerlerdegi densaýlyq saqtaý júıesiniń sapasyn jáne qol jetimdiligin arttyrýǵa múmkindik beredi.
«Barlyq is-sharalar aýyl turǵyndarynyń ómir súrý deńgeıin jaqsartýǵa, tabysyn arttyrýǵa jáne aýyldyq aýmaqtardy damytýǵa jańa serpilis beredi», - dedi mınıstr.