Aýyldan bilim alyp, tárbıelenip, túlep ushqan soń ony umytyp ketý adamgershilikke jatpaıdy – kásipker T.ıÝsýpov
Oǵan Almaty oblysy boıynsha 14 komanda qatysyp, 115 jas bylǵary qolǵap ıeleri synǵa tústi. Atalǵan sharanyń uıymdastyrýshylarynyń biri - «Raıymbek aýdandyq balalar men jasóspirimder sport mektebi» memlekettik mekemesiniń dırektory, QR eńbegi sińgen jattyqtyrýshy, Bilim berý isiniń úzdigi, Almaty oblysy máslıhatynyń depýtaty Bekbolat Birbaevtyń aıtýynsha, bul jarys osy aýyldyń týmasy Tilek ıÝsýpovqa degen qurmet bolsa, ekinshiden jastardy sportqa baýlý bolyp tabylady. «Erim degen - el bolmasa, elim deıtin - er qaıdan shyǵady» demekshi bul aýyldyń turǵyndary da óz azamattaryn qurmetteı biletin, birligi jarasqan aýyldyń biri eken. «Ol jigit árqashan aýyl mektebine kóńil bólip, demeýshilik jasap júredi. Byltyr qysta sport mektebimizdiń ár aýyldaǵy fılıaldary qatty qysylǵan ýaqytta ol kómir, sýyna kómektesti. Sonymen qatar aýdan kóleminde sportttyq jarystar óte qalsa demeýshilik jasap turady», -deıdi B.Birbaev. Sondaı-aq ol Almaty qalasynda kásippen aınalysyp júrgen Tilek ıÝsýpov aýylǵa meshit salyp berip, árdaıym aýyldyń kórkeıýine úles qosyp júretindigin maqtan tutandyǵyn jetkizdi. 9 myńǵa jýyq halqy bar bul aýyldaǵy sport mektebine toqtalsaq, onda sporttyń 8 túrinen úıirme bar. Jalpy bul mektepte erkin kúresten balalar jaqsy kórsetkishterge qol jetkizip, aýyl mereıin asqaqatatyp júr eken. Máselen osy aýyldan shyqqan Rýslan Jumabekov Azııa oıyndarynyń chempıony atanǵan. Sondaı-aq búgingi tańda bul mektepte qyzdar kúresi de jaqsy damýda eken. Erkin kúresten Gúlbaqyt Nurǵazıeva esimdi qyz bala Qazaqstannyń bes dúrkin chempıony atansa, Azııa oıyndarynyń 2 dúrkin chempıony bolǵan. Kúrestiń osy túrinen Aıdana Qyrǵyzbaı, Gaýhar Ermekbaı jáne taǵy basqa daryndy jastar el namysy úshin synǵa túsip júrse, aýyr atletıkadan Nazerke Ákimqoja Qazaqstannyń jasóspirimder qurama komandasynyń qataryna ilikken. «Aýylymyzda sport jaqsy qarqynmen damýda. Osydan 3 jyl buryn boks úıirmesi de ashyldy. Bizdiń meken taýly bolǵandyqtan qystyq sport túrlerinen shańǵy tebýde jaqsy damyp keledi. Mine, 4-5 jyl boldy sporttyń osy túrinen oqýshylar men úlkender de Almaty oblysy boıynsha birinshi orynda kele jatyr», -deıdi sport mektebiniń dırektory.
Qazir bul sport mektebinde 800-deı oqýshy tárbıelenip jatyr. Sonymen qatar aýdan boıynsha osy sport mektebiniń 17 bólimshesi jumys isteýde. Jattyqtyrýshy B. Birbaev, «balalardyń kóshe kezip ketýine jol bermeı, sportqa tartý bizdiń basty maqsatymyz», - deıdi.
Oblystyq sport basqarmasynyń jaqsy kóńil bólýiniń arqasynda sońǵy 2-3 jylda aýyldyń sportshylaryn oblystyń ár túkpirinde ótetin sporttyq oıyndarǵa aparýǵa jaǵdaı týǵan. Qazir sport mektebiniń óz kóligi bar jáne qarajaty da jetkilikti. Byltyr Serik Ábikenulynyń kómegimen aýyldaǵy eski ınternat qaıta jóndeýden ótip, saýyqtyrý ortalyǵy etip ashylǵan.
Jastardyń jappaı sportqa bet bura bastaǵanyna jattyqtyrýshylar qýanyshpen jetkizdi. «Qazir aýyl jastary meshitke baryp, ımandylyq jolyna túsip jatqandary, sportpen aınalysyp, salaýatty ómir saltyn qalyptastyrýǵa úlken den qoıa bastaǵandary bizdi qatty qýantady. Bul mektebimizde jastardyń sportpen aınalysýyna barlyq jaǵdaı jasalyp, onyń barlyǵy aqysyz bolýynan dep bilemin», -dep atap ótti B.Birbaev.
Sonymen qatar ol Tilek sııaqty azamattar óziniń kindik qany tamǵan aýylyna jaǵdaıy kelgenshe kómektesse nur ústine nur bolar edi degen tilegin de jasyrmady. «Qazir qaltaly azamattardyń kóbi aýylǵa mán bere bermeıdi. Ár azamat óz aýylynyń órkendeýine kishkentaı da bolsa qol ushyn berse jaman bolmas edi», -deıdi sport mektebiniń dırektory.
Mamandardyń aıtýynsha, aýdandaǵy kishi aýylda jumys istep jatqan bólimshelerde sport zaldary jetispeı jatady eken. 90-shy jyldary jabylyp, tonalyp ketken mádenıet úıleri qazir aqyryndap qolǵa alynyp jatqanymen, sport úıirmelerin ashatyn ǵımarattar áli de jetispeıdi eken. Osy tusta osy aýyldyń azamaty retinde Bekbolat Birbaev: «Bizdiń aýyl eń shalǵaı jatqan eldimekenniń biri. Sondyqtan myna mádenıet oshaqtaryna jaǵdaı jasalyp, kóńil kóptep bólinse jaqsy bolar edi»,-degen ótinishin bildirdi.
Jalpy balalardyń sportta jaqsy kórsetkishterge qol jetkizýi jattyqtyrýshylarǵa baılanysty ekendigi belgili. Alaıda aýyldaǵy sport mektepterinde bilikti mamandar jetispeı jatatyndyǵy kóńil qnjyltady. Osy tusta aýyl sportyna da úlken mán berilip, sport sheberlerin aýylǵa kóptep tartsa degen oıǵa qalasyń.
Qazirgi ýaqytta kóptegen qaltaly azamattar óziniń týyp-ósken aýylyna járdemdese bastady. Solardyń biri osy Narynqol aýylynyń týmasy, qazir Almaty qalasynda óziniń jeke kásibimen aınalysyp júrgen joǵaryda atap ótken Tilek esimdi jigit. Aýylyna aıyna bir ret baryp turmasa saǵynyp turatyn bul azamat árqashan aýyldaǵy mektepke, sport mektebine, sondaı-aq meshit sııaqty elge qyzmet kórsetetin mekemelerge shamasy kelgenshe kómektesip turýdy paryzym dep sanaıdy eken. «Osy jerden bilim alyp, tárbıelenip ushyp shyqqan soń aýyldy umytyp ketý adamgershilikke jatpaıdy dep bilemin. Osy aýylymyz órkendep, mádenıeti ulǵaıǵanyn kórý biz úshin arman. Elbasy N.Nazarbaevtan bastap qazir aýylǵa úlken mán berilip, ony damytýǵa kúsh jumsalyp jatyr. Aqyndar da, eli úshin eshteńeden taıynbaıtyn erjúrek azamattar da aýyldardan kóptep shyǵatyny belgili. Sondyqtan olarǵa árqashan járdemdesip, aýyldyń quryp ketýine jol bermegen jón», -deıdi Narynqol aýylynyń qurmetti azamaty Tilek ıÝsýpov.
Óz eńbeginiń jemisin aýyl jastaryna ónege etip kórsetý orta býyn úshin paryz dep sanaıtyn Tilek ómirimniń sońyna deıin aýyldy esten shyǵarmaı, onyń kórkeıýine shama kelgenshe jaǵdaı jasap turýǵa daıyn ekendigin aıtady. «Aýyl balalary arasynda daryndy balalar kóptep shyǵyp jatady. Sol aýyldan shyqqan jeke kásipkerler sondaı balalardy demep, odan ári jaqsy jetistirge jetýine jaǵdaı jasasa jón bolar edi», -deıdi ol. Almaty qalasynda «Nıet» sport keshenin ashqan Tilek daryndy jastarymyz elimizdiń kók jalaýyn shetelde jelbiretip alyp shyqsa sonyń ózi úlken ǵanıbet, elge degen súıispenshilik emes pe degen oıda. «Aýyldan qalaǵa kelip, jumys taba almaı júrgen daryndy balalardy kórip sport mektebime tartqan edim. Óıtkeni olardyń qaısarlyǵyn, erjúrek ekendigin baıqadym», -deıdi Tilek Baýdýnuly.
Ótken jyly ol óziniń sport klýbynda daıyndalyp júrgen jastardy Kanadadanyń Taronta qalasynda ýshý-sandodan ótken jarysqa óz qarajatymen aparǵan. Jigitter de namysqa tyrysyp, jaqsy óner kórsetip, úshinshi oryndy ıelenip kelipti. «Taronta qalasynyń ortalyq stadıonynda Qazaqstannyń kók týy kóterilgende atqarǵan eńbegimniń barlyǵy aqtaldy dep eseptedim, ári el namysyn asqaqtatqan kezde tóbem kókke jetkendeı boldy», -deıdi kásipker.
Sonymen qatar Qytaıdyń Chan-chýng qalasyna ýshý-sandodan álemdik kýbok úshin aparǵan jigitteriniń ishinde Idıllaev Narjan ekinshi orynǵa qol jetkizgen. Qazir ol 91 keli salmaqta Qazaqstan boıynsha úzdikterdiń qatarynan kórinýde eken. «Jaqynda taı-bokstan Qazaqstannyń birinshiligi ótti. Onda meniń tórt shákirtim birdeı altyn alqa ıegeri atandy. Sondaı-aq Talǵat degen inishegim Ózbekstanda bolatyn álemdik chempıonatqa joldamany utyp aldy. Qudaı qalasa kúzdigúni Ózbekstanǵa aparatyn jigitterim jaqsy óner kórsetip, sol jerde elimizdiń týy kóterilip, ánurany oınalady degen úlken sezimdemin», -dep atap ótti óz sózinde Tilek ıÝsýpov.
«Nıet» sport kesheninde daıyndalyp júrgen jastar klýbqa eshqandaı qarajat tólemeıdi eken. Onyń jylýyn, salyǵyn taǵy basqa shyǵyndaryn kásipker óz moınyna alǵan. Kásipker sportshylar qarajat jaǵynan qysylmaı, alańsyz sportpen aınalysý kerektigin alǵa tartady. Sondaı-aq ol klýbynda daıyndalyp júrgen jastar túrli jarystarǵa ketip bara jatqanda elimizdiń týyn jelbiretip, namysty abyroıly qorǵap kelseń unatqan avtokóligińdi áýejaıǵa ózim alyp baram dep árqashan jigerlendirip qoıatyn kórinedi. «Ózge elde elimniń týy kóterilgende ózimdi baqytty sezinemin, odan ótken men úshin baqyt joq», dep biletin kásipker sport klýbynyń atyn da yrymdap «Nıet» dep atapty. «Kem degende 3-4 álem chempıonyn shyǵarsam men úshin sol baqyt, sol úshin jumys isteýdemin. Aǵymdaǵy jyldyń qazan aıynda ýshý-sandodan Izmırge baramyz. Oǵan da jigitterim daıyndyq ústinde. Olardy uıymdastyryp aparý, sol jerge baryp olardyń ónerin tamashalaý men úshin elimizdiń sportyna degen súıispenshiliktiń bir belgisi jáne sodan úlken lázzat alamyn. Ony sózben aıtyp jetkizý qıyn. Eger elimizdiń aýqatty azamattary osylaı sportqa kóńil bólse, sol rahatty sezine biler edi», -deıdi sport janashyry.
Tilek sóz sońynda elimizdiń kásipkerlerin sportymyzdy joǵary kóterýge, jastarymyzdyń jaqsy kórsetkishterge jetýine yqpal jasaýyna shaqyratyndyǵyn jetkizdi. «Bolar eldiń balalary birin-biri batyrym der», -demekshi árqashan jastarymyzǵa qoldaý kórsetsek basqa elder qazaqtyń burynǵy myqty batyrlarynyń ornyn basqan jańa batyrlar kóptep shyǵyp jatyr eken dep, bizden árdaıym ımenip júrer edi degen oıyn da bildirdi.
