Aýyldaǵy zeınetaqy qaladaǵy stýdenttiń qaltasyna túsedi
ASTANA. QazAqparat - «Qazposhtanyń» «Sálem teńge» aýdarymy arqyly aýyl turǵyndary qalaǵa kóp aqsha jiberedi. Bul týraly búgin «Qazposhta» AQ basqarmasynyń tóraǵasy Baǵdat Mýsın málim etti.
«Eń qyzyǵy «Sálem teńge» aqsha aýdarý júıesin iske qosqanymyzda biz qala turǵyndary aýylǵa qarjy aýdarady dep oılaǵan edik. Alaıda bári kerisinshe bolyp shyqty. Aýyldyqtar qalaǵa kóp aqsha aýdarady eken. ıAǵnı, zeınetaqy alǵan adamdar qaladaǵy balalaryna aqsha jıi jiberedi. Mine, osyndaı keri tendentsııany baıqap otyrmyz», - dedi B.Mýsın.
Sonymen qatar qyzmetkerlerdi yntalandyrý tetigi de qarastyrylǵanyn aıta kele olardyń árbir «Sálem teńge» aqsha aýdarymynan 50 teńge alatyndyǵyn aıtty. «Osylaısha, búgingi kúni bizdiń qyzmetkerlerimiz aılyǵyna 10 myń teńgege deıin ústeme alýda», - dedi ol.
Al onyń orynbasary Azat Mashabaev óz kezeginde «Qazposhta» arqyly aqsha aýdarý nebári 1 mınýt ýaqytty alatyndyǵyn jáne ol úshin 1,5 paıyz syıaqy ustalatyndyǵyn atap ótti.
«Bul qyzmet túri zor suranysqa ıe. Aǵymdaǵy jyldyń naýryz aıynan beri ǵana bul qyzmetti paıdalaný kórsetkishi 50 paıyzǵa ósti», - dedi ol.
