Aýyldaǵy sportty damytý isine kóńil bólmesek, dańqty sportshylarymyzdyń izbasarlaryn joǵaltyp alýymyz yqtımal - Senat depýtaty
ASTANA. 12 naýryz. QazAqparat - Aýyldaǵy sportty damytý isine kóńil bólmesek, Qazaqstannyń atyn álemge asqaqtatqan kásibı sportshylarymyzdyń izbasarlaryn joǵaltyp alýymyz yqtımal.
Búgin «Dene shynyqtyrý jáne sport týraly» zańynyń oryndalý barysyna baılanysty Sport jáne dene shynyqtyrý agenttiginiń tóraǵasy Talǵat Ermegııaevpen kezdesý barysynda senator Aqan Bıjanov osylaı dedi.
«Eger bizdiń chempıondarymyz ben dańqty sportshylarymyzdyń ómirbaıandaryn saraptap kóretin bolsaq, olardyń basym kópshiliginiń aýyldyq aımaqtardan shyqqanyn baıqaımyz. Eger biz aýyl sportyna kóńil bólmesek, osy áleýetten ajyrap qalýymyz múmkin. Qazirgi tańda respýblıka mektepterinde de osyndaı jaǵdaı qalyptasqan dese bolady. Onda sport zaldary men sporttyq nysandar mektepten tys ýaqytta barynsha tıimdi paıdalanylmaı otyr. Osyǵan baılanysty Memleket basshysy bizdiń aldymyzǵa sporttyq ınfraqurylymdardy turǵyndardyń paıdalana alýlaryna barynsha jaǵdaı jasaý qajettigin aıtty. Osy sebepti bizge qazir sport pen dene shynyqtyrý salasyn damytý úshin tıisti zańnamalyq sharttar men materıaldyq-tehnıkalyq baza qalyptastyryp, birlesken qımyldardy jetildirý kerek»,-dedi senator.
