Aýyldaǵy órt: 9 adam qaza tapty
ASTANA. QazAqparat - Bashqurtstandaǵy Ýgýzevo aýylynda bóreneden salynǵan úı órtenip, toǵyz adam qaza tapty, onyń beseýi bala.
«Oqıǵa saldarynan toǵyz adam mert boldy, onyń beseýi bala. Taǵy úsh adam zardap shekti», - dep habarlady TJM baspasóz qyzmetinen.
RF TK Bashqurtstan boıynsha tergeý basqarmasynyń basshysy Svetlana Abramovanyń aıtýynsha, tergeýshiler tekserý júrgizý úshin oqıǵa ornyna attanyp ketti.
Bırsk aýdanynda mansard túrinde salynǵan bórene úı máskeý ýaqyty boıynsha 00.24-te otqa oranǵan. Órt 16 adam, 7 tehnıkanyń kúshimen saǵat 04.22-de sóndirildi.
