Aýyldaǵy qyzmetkerlerge 59 úı, áleýmettik osal topta úshin 29 úı satyp alyndy - Atyraý
Onyń ishinde Atyraý, Qulsary qalalarynda bir-birden qyzmettik úı alynǵan, qalǵandary aýyldyq jerlerde. Aıta ketý kerek, munaı sektoryndaǵy joǵary eńbekaqyǵa baılanysty Atyraý oblysynyń aýdandarynda qyzmettik úı muǵalimder men dárigerler, ýchaskelik ınspektorlar, bıýdjettik mekemelerdiń qyzmetkerleri, azamattyq jáne memlekettik qyzmetshiler úshin yntalandyrý bolyp esepteledi. Bul shara aýyldyń áleýmettik-ekonomıkalyq damýyna úles qosatyn mamandardy saqtaýǵa múmkindik beredi. Barlyq satyp alynǵan úıler qyzmettik bolyp sanalady, jekeshelendirilmeıdi. Onyń ishinde 59 úı muǵalimder men dárigerler, ýchaskelik ınspektorlar, bıýdjettik mekemelerdiń qyzmetkerleri, azamattyq jáne memlekettik qyzmetshilerge arnalǵan. Al 29 úı - halyqtyń áleýmettik osal tobyna - múmkindigi shekteýli, az qamtylǵan jáne kóp balaly otbasylarǵa berildi. Endi 4 úı bólinedi. Turǵyn úıdiń ortasha baǵasy - 11 mln teńgege jýyq.
2018 jyldyń maýsym aıynda Jylyoı aýdanynyń ákimshiligi aýdan ákimine jekeshelendirý quqyǵy joq qyzmettik úı satyp alýǵa ashyq konkýrs jarııalady. Konkýrs shartynda turǵyn úı ekinshi dárejeli jáne jalpy aýdany 140 sharshy metr bolýy kerektigi kórsetildi. Lot somasy - 30 mln teńge. Aıta ketý kerek, Qulsary qalasynda mundaı kólemdegi turǵyn úıdiń naryqtaǵy baǵasy 30-50 mln teńge aralyǵynda. Konkýrs nátıjesinde aýdany 373 sharshy metr, onyń ishinde turǵyn jaı 142,6 sharshy metr, qalǵany sharýashylyq qora-jaılar bolatyn turǵyn úıdi usynǵan jetkizýshi utty. Konkýrstyq komıssııa alqasynyń sheshimimen osy jetkizýshi jeńimpaz bolyp tanyldy, sebebi eń tómen baǵany usynǵan. Buǵan deıin aýdanda qyzmettik úı bolǵan joq.
