Aýyldaǵy balalar alańy órtenip ketti - Atyraý oblysy
ATYRAÝ. QazAqparat – Atyraý oblysynda aýyldaǵy balalar alańy órtenip ketti, dep habarlaıdy QazAqparat.
Órt keshe, 25 tamyzda Jylyoı aýdanyndaǵy Jańaqaraton kentinde tutanǵan.
Turǵyndardyń aıtýynsha, balalar alańy 2019 jyly paıdalanýǵa berilgen. Onda ózge osyndaı alańdarda kezdespegen erekshe úlgidegi kemeler ornatylǵan.
«Jańaqaraton kentinde ornalasqan balalar oıyn alańynyń órtenýine baılanysty QR Qylmystyq Kodeksiniń 202-babynyń 2-bóligimen (Bótenniń múlkin joıý nemese búldirý) sotqa deıingi tergeý júrgizilýde», -dep málim etti oblystyq polıtsııa departamentiniń baspasóz qyzmetinen.
Qazir órtten kelgen shyǵyn kólemi anyqtalýda.
Eske sala ketelik, buǵan deıin Atyraýda 12 páterlik turǵyn úı órtenip ketkenin jazǵan bolatynbyz.
