Aýyldaǵy balabaqsha qosymsha oryndarmen qamtamasyz etiledi - Qaraǵandy oblysy
QARAǴANDY. QazAqparat – Qaraǵandy oblysy Aqtoǵaı aýdanynyń Saryshaǵankentinde jańartylǵan «Aıgólek» bóbekjaıy keńeıtildi. Eski mekteptegi úı-jaılardyń jartysy balabaqshaǵa bólinip, «Nurly jol» baǵdarlamasy boıynsha ǵımaratty qaıta jóndeý jumystary júrgizildi, dep habarlaıdy QazAqparat tilshisi.
Balabaqsha 140 balaǵa arnalǵan, onda alty top bar.
«Bizde 50 adamnan turatyn qosymsha eki top paıda boldy. Onda biz bir jastan eki jasqa deıingi jáne bes jastan alty jasqa deıingi balalardy qabyldaımyz.
Ǵımarat jeke bolǵandyqtan, onyń óz ashanasy, medıtsınalyq kabıneti jáne ýaqytsha ızolıator bólmesi bar. Ashanada turmystyq tehnıka jańartyldy. Tórt pedagog, eki tárbıeshiniń kómekshisi, kir jýýshy, aýla sypyrýshy, eden jýýshy, úsh kúzetshi, aspaz, aspazshynyń kómekshisi jáne medbıke bizge jumyspen qamtý ortalyǵynan keldi. Oqý kabınetteri de zamanaýı talaptarǵa saı. Qazir «Indıgo» baǵdarlamasy boıynsha qujattar qabyldanýda. Bizde qosymsha úıirmeler ashý josparda bar», – deıdi balabaqsha meńgerýshisi Nurjamal Shulanova.
Al qazir munda kezekshi top jumys isteıdi.
Balabaqsha aýmaǵy da retke keltirilip, abattandyrylyp, jaryqtandyrý ornatylyp, ǵımarat qaptalady. Barlyq jumystardy osy jyldyń sońyna deıin aıaqtaý josparlanyp otyr.
