Aýyldaǵy áıel kásipkerler tegin bilim ala alady - Taraz
TARAZ. QazAqparat - Taraz qalasynda aýyldyq jerlerde áıelder kásipkerligin damytýǵa arnalǵan semınar ótedi, dep habarlaıdy QazAqparat tilshisi.
3-14 maýsym aralyǵyna josparlanǵan semınarǵa jumys istep jatqan jáne aýyldy aımaqtarda tirkelgen kásipker áıelder, sonymen qatar «Bastaý Bıznes» jobasy sheńberinde oqýdan ótken, túrli sebeptermen qarjylandyrý almaǵan jeke tulǵalar (ózin-ózi jumyspen qamtyǵandar) qatysa alady.
Bıznes-trenerler retinde is-sharaǵa Qyzylorda oblysy Іsker áıelder keńesiniń tóraıymy Janna Amanova, Óńirlik kásipkerler palatasynyń sarapshylary, sondaı-aq «Damý» Kásipkerlikti damytý qory» AQ, «Mıkro-qarjy uıymy» JShS jáne ekinshi deńgeıli bankterdiń ókilderi shaqyrtylǵan.
Bıznesti qarjy jáne qarjylaı emes qoldaý sharalary, kásipkerlik negizderi, jeke brendti ilgeriletý strategııasy - sheberlik sabaqtarynyń negizgi taqyryptary bolmaq. Sonymen qatar, bıznes-jospardy jáne naqty keısterdi qurý boıynsha jattyǵýlar beriledi. Sonymen qatar, qarjylyq eseptilikti qalyptastyrý jáne júrgizý, bıznesti bastaýǵa qajetti zańgerlik máselelerdi túsiný, qoljetimdi nesıelerdi alýǵa qujattardy durys jınaqtaý jáne usyný joldaryna basymdyq jasalmaq.
