Aýyldaǵy árbir ýchaskelik ınspektorǵa bir kómekshi bekitý josparlanyp otyr
NUR-SULTAN. QazAqparat – Ýchaskelik ınspektorlar men kómekshileriniń shtaty ishki rezervter arqyly artady. Bul týraly QR ІІM Ákimshilik polıtsııa komıtetiniń tóraǵasy Murat Baımuqashev aıtty, dep habarlaıdy QazAqparat tilshisi.
«Bul qyzmetti shtattyq turǵyda kúsheıtý máselesi pysyqtalyp jatyr. Aýyldaǵy árbir ýchaskelik ınspektorǵa bir kómekshi bekitý josparlanyp otyr. Ol jerde kómekshi erekshe kerek bolyp tur, sebebi ýchaskelik ınspektor polıtsııadan alshaq ornalasqan birneshe eldi mekenge qyzmet kórsetedi», - dedi ol Ortalyq kommýnıkatsııalar qyzmetinde.
Onyń aıtýynsha, aldyn ala esepteýler boıynsha ýchaskelik ınspektorlar men kómekshileriniń shtaty ishki rezervter arqyly taǵy da myńnan astam qyzmetkerge artýy yqtımal. Qazir ýchaskelik ınspektorlar shtaty 5 900 qyzmetkermen almastyrylǵan, al kómekshiler sany 600-den asqan.
Budan buryn habarlanǵandaı, Murat Baımuqashev ýchaskelik polıtsııa jumysynyń tıimdiligin arttyrý jospary týraly aıtty.
Ýchaskelik ınspektorlar is-qımylynyń arnaıy algorıtmi ázirlendi.
