Aýylda jańa feldsherlik-akýsherlik pýnkt ashyldy - Aqmola oblysy
KÓKShETAÝ. QazAqparat - Aqmola oblysynyń Astrahan aýdanynda jańa feldsherlik-akýsherlik pýnkt ashyldy. Bul týraly aımaq basshysy Sergeı Kýlagınniń aýdanǵa jumys sapary barysynda belgili boldy, dep habarlaıdy "QazAqparat" HAA tilshisi.
Aýdandyq aýrýhananyń bas dárigeri Elýbaı Kurmanovtyń aıtýynsha, Petrovka aýylynda ashylǵan medıtsınalyq mekeme qazirgi zamanǵy medıtsınalyq quraldarmen jabdyqtalǵan. Nysannyń qurylysy 71,2 mıllıon teńgeni qurap otyr. Turǵyndarǵa 3 medıtsınalyq maman qyzmet kórsetetin bolady.
"Oblysta densaýlyq saqtaý salasy qarqyndy damýda. Bıylǵy jyldyń ózinde óńirde sý jańa 8 medıtsınalyq mekeme paıdalanýǵa berildi", dedi S.Kýlagın.
Sonymen qatar, aımaq basshysy "Jumyspen qamtýdyń jol kartasy-2020" baǵdarlamasy boıynsha júrgizilip jatqan aýyldyq mədenıet úıindegi kúrdeli jóndeý jumystaryna nazar aýdardy. Atalǵan baǵdarlama arqyly 116,4 mıllıon teńge qarjy bólingen. Oǵan qosa, aýdandyq bıýdjetten qosymsha 10 mıllıon teńge bólinip otyr. Qurylys jumystaryn aldaǵy qańtar aıynda aıaqtaý josparlanǵan.
Sapar barysynda aımaq basshysy Petrovka orta mektebiniń jumysymen tanysyp, pedagogıkalyq ujym jáne joǵary synyp oqýshylarymen kezdesti.
