Aýylda poshta arqyly kórsetiletin qyzmetter memleketten sýbsıdııalanady
ASTANA. QazAqparat - Búgin Senatyń jalpy otyrysynda palata depýtattary «Qazaqstan Respýblıkasynyń keıbir zańnamalyq aktilerine poshta máseleleri boıynsha ózgerister men tolyqtyrýlar engizý týraly» zań jobasyn ekinshi oqylymda talqylap, qujatty qabyldady. Endi Parlament qabyldaǵan Zań Memleket basshysynyń qol qoıýyna joldanady.
Atalǵan qujat arqyly qoldanystaǵy zań normalary «Poshta týraly» jańa redaktsııadaǵy zańnyń normalaryna sáıkes keltiriledi. Soǵan baılanysty eki kodeks pen on zańnamaǵa ózgerister engiziledi. «Zań jobasyndaǵy negizgi ózgeris aýyldyq eldi mekenderde poshta salasynda kórsetiletin ámbebap baılanys qyzmetteri úshin memleket tarapynan sýbsıdııalaýdy qamtamasyz etý bolyp tabylady», - dedi senator Ashat Kúzekov.
Tutastaı alǵanda qujat poshta salasyn uıymdastyrýdyń qazirgi zamanǵy halyqaralyq standarttaryna saı keletin tıimdi júıesin zańnamalyq turǵydan engizý jolymen odan ári damytýdy qamtamasyz etedi. Budan bólek, poshta salasyndaǵy qyzmet pen poshta baılanysynyń kórsetiletin qyzmetteriniń túrleri naqtylanyp, keńeıtiledi. Máselen, bul rette poshta baılanysynyń qoldanystaǵy júıesinen bólek qarjylyq qyzmetter, banktik operatsııalar, kólikpen kórsetiletin qyzmet pen agenttik qyzmetteri qamtylyp otyr.
