Aýylda mal urlyǵy ózekti máseleniń biri bolyp qala bermek – aqtóbelik polıtseı
AQTÓBE. QazAqparat – Aqtóbe oblystyq polıtsııa departamentiniń basshysy Atyǵaı Arystanov aýdan turǵyndarymen onlaın kezdesti, dep habarlaıdy QazAqparat tilshisi.
Aqtóbe oblystyq polıtsııa departamentiniń bastyǵy Atyǵaı Arystanov Mártók aýdandyq ýchaskelik polıtsııa ınspektorlarynyń jumysyn pysyqtady. Aýdanǵa baryp, turǵyndardyń suraǵyna onlaın jaýap berdi. Aýdandyq polıtsııa bóliminiń bastyǵy Nurlan Ótegenovtyń aıtýynsha, byltyr aýdanda tirkelgen qylmystyq quqyq buzýshylyqtardyń jalpy sany 12% azaıǵan. Bótenniń múlkin urlaý 40% tómendedi. Al qylmysty ashý kórsetkishi - 75%.
«Aýylda mal urlyǵy ózekti máseleniń biri bolyp qala bermek. Ótken jyly 20 mal urlyǵy deregi tirkeldi. Jaıylymnan joǵalyp ketetini kóp. Jedel izdestirý kezinde 428 bas mal ıesine qaıtaryldy. Bul 82,2 mıllıon teńgege baǵalanǵan mal sany. Oblystyq polıtsııa departamentiniń bastyǵy A.Arystanov asa aýyr qylmys túrlerin, kisi óltirý, mal urlyǵy, mas kúıindegi, otbasy-turmystyq qatynastar salasyndaǵy qylmysty azaıtýdy tapsyrdy», - dep habarlady oblystyq PD baspasóz qyzmetiniń hatshysy Erbolat Sarqulov.
Kezdesý sońynda A.Arystanov azamattardy onlaın-qabyldaý ótkizip, olardyń qyzyqtyrǵan suraqtarǵa jaýap berdi. Budan keıin oblystyq PD basshysy aýdandyq polıtsııa bólimine jáne ýchaskelik polıtsııa pýnktine bardy.
